Псалми 41:1-13 MKDB2006 - Bible AI

¹Блажен е оној што се грижи за бедните! Во злочест ден Господ ќе го избави.

²ⓞГоспод ќе го пази и ќе го одржи во живот и ќе му даде среќа на земјата; и нема да го предаде во рацете на непријателот негов.

³ⓟГоспод ќе му помогне кога лежи болен в постела. Ти ја исцелуваш секоја болка при болеста негова.

⁴А за себе, јас повикав: „Господи, смилувај се на мене, излекувај ја душата моја, зашто згрешив пред Тебе!“

⁵ⓠНепријателите мои во злоба се распрашуваат за мене: „Кога ќе умре, и кога ќе загине името негово!?“

⁶ⓡИ ако некој дојде да ме види, гово­ри лага; неговото срце собира неправда во себе, и тој, штом ќе излезе надвор, расправа.

⁷Сите мои непријатели шепотат меѓу себе против мене, помислувајќи ми зло:

⁸„Смртна болест го фатила; кој еднаш легне, веќе нема да стане!“

⁹Дури и пријателот мој, во кого имав доверба, кој јадеше мој леб, ја крена ногата против мене.

¹⁰ⓢА Ти, Господи, смилувај ми се, исправи ме, та да им возвратам.

¹¹По тоа ќе дознаам дека сум ти мил, кога непријателот мој нема да се погордее над мене;

¹²а мене, пак, ме прифати поради мојата незлобивост и зацврсти ме пред Себе вечно.

¹³Нека е благословен Господ, Бог Израелов, од века до век! Амин, амин!