Псалми 49:1-20 MKDB2006 - Bible AI

¹Чујте го ова сите народи; внимавајте вие сите што живеете по светот,

²ⓑмали и големи, богати и сиромаси заедно.

³Устата моја ќе говори мудрост, и мислата на срцето мое — разбирливи нешта.

⁴Ќе го наклонам увото свое кон по­учни изреки: со харфа ќе ја изло­жам гатанката моја.

⁵Зошто да се плашам во тешки де­нови, кога беззаконието на моите предавници ќе ме опколи?

⁶Вие, што имате верба во силите свои и се фалите со големото богатство свое, чујте:

⁷ⓒНикој не може себеси да се иску­пи, ниту може човекот да Му плати откуп на Бога,

⁸ⓓниту цена за откуп на душата сво­ја, бидејќи таа е превисока,

⁹ⓔдури и да се мачи долго, да живее вечно и гроб да не види.

¹⁰Зашто и мудрите умираат, не­разумните и безумните загинуваат заедно, а го оставаат богатството на други.

¹¹ⓕНивните гробови ќе им бидат вечни домови, живеалиштата од род во род, иако земјите нивни ги носат имињата нивни.

¹²И човек што живее неразумно, прилега на животните што загинуваат.

¹³ⓖТаква им е судбината на безумниците, крајот на оние што се задоволни со својот дел.

¹⁴Тие се како овци определени за во пеколот, смртта им е пастир, а в зори праведните ќе господарат над нив; силата нивна ќе се истроши, пеколот ќе им биде дом.

¹⁵Но Бог ќе ја спаси душата моја од раката на пеколот, милостиво ќе ме прими.

¹⁶ⓗНе плаши се кога човек се збогатува, кога богатството на домот негов расте;

¹⁷зашто, умирајќи, ништо нема да земе, ниту, пак, богатството негово ќе појде по него;

¹⁸ⓘмакар што при животот негов се сметал за среќен — а тебе те фалат кога си угодуваш —

¹⁹и тој ќе им се придружи на своите предци, нема никогаш да види светлина.

²⁰ⓙЧовек, кој неразумно живее, сличен е на животните што загинуваат.