Псалми 56:1-13 MKDB2006 - Bible AI

¹ⓦСмилувај се Боже, на мене, луѓето ме газат, напаѓајќи секој ден, душма­нот ме притиска.

²Моите непријатели по цел ден ме газат, зашто мнозина се оние, кои ме напаѓаат.

³Кога страв ќе ме спопадне, во Тебе се надевам, Севишен.

⁴Божјото ветување го славам; на Бога се надевам. Нема да се плашам; што може да ми направи човек?

⁵Секој ден ги извртуваат зборовите мои; сите нивни мисли упатени против мене се зло.

⁶Се собираат и се кријат, ги набљу­дуваат чекорите мои, упорно работат против мојот живот.

⁷Плати им за нивниот злочин со гнев Боже, собори ги народите!

⁸ⓧТи ги броеше моите маки, солзите мои ги собираше во мешина. Зар не е сѐ запишано во Твојата книга?

⁹ⓨНепријателите мои ќе се вратат назад, секогаш кога Те призовувам; по тоа знам дека Бог е за мене.

¹⁰ⓩБожјото ветување го славам; се фалам за зборот Господов,

¹¹во Бога имам верба, не се плашам; што може да ми направи човекот?

¹²ⓐМе обврзуваат, Боже, ветувањата што Ти ги дадов; благодарствени мо­литви ќе Ти упатам.

¹³ⓑЗашто Ти ја избави душата моја од смрт, а и нозете мои од сопнување, за да одам пред Бога во светлината на живите.