Псалми 68:1-35 MKDB2006 - Bible AI

¹Нека се крене Бог, и да се распрс­нат непријателите Негови; нека се разбегаат пред лицето Негово оние што Го мразат.

²ⓜКако што димот исчезнува, така да исчезнат; како што восокот се топи од оган, така да загинат грешниците од лицето Божјо!

³А праведните да се развеселат, да се зарадуваат пред Бога и да Го просла­вуваат во радоста.

⁴ⓝПејте Му на Бога, пејте Му на Него­вото име; направете Му пат на Оној, Кој се движи по небото; името Му е Господ, и радувајте се пред Него.

⁵ⓞТатко на сираците и Заштитник на вдовиците; Тој е Бог во Своето свето место.

⁶ⓟБог им дава домови на напуштени­те, ги ослободува од окови затворени­ците, а непокорните остануваат да живеат во пеколна пустина.

⁷Боже, кога Ти излегуваше пред Тво­јот народ, кога чекореше по пустината,

⁸ⓠземјата се тресеше и небесата истураа дожд пред Бога, Бог на Синај — пред Бога, Бог Израелов.

⁹Изобилен дожд изли Ти, Боже, врз Твоето наследство, и кога тоа изнемош­туваше, Ти го поткрепуваше.

¹⁰ⓡСтадата Твои живеат на неа; во Својата добрина, Боже, Ти се погрижи и за сиромасите.

¹¹Господ дава наредба; голема е при­дружбата на известителите:

¹²цареви на армии бегаат ли бегаат, а жените по домовите пленот го делат.

¹³ⓢДодека вие почивавте меѓу стадата, крилјата на гулабицата заблескаа во сребро, а нејзините пердуви со злато.

¹⁴ⓣКога Семоќниот ги разбиваше ца­ревите, снег паѓаше на Селмун.

¹⁵Горо моќна, горо Башанска, горо со бројни врвови, горо Башанска!

¹⁶Зошто гледаш завидливо, горо со бројни врвови, кон гората што Бог ја посака за Свое пребивалиште, каде што Господ ќе престојува довека?

¹⁷ⓤБожјите коли се безброј — на илјада илјади; Господ на Синај, доаѓа во све­тилиштето.

¹⁸ⓥТи се возвиси високо, плени плен, прими дарови од луѓето, дури и од противниците на Божјото пребивалиште таму.

¹⁹ⓦНека е благословен Бог, Кој нѐ носи од ден во ден, Бог, нашето спасение.

²⁰ⓧНашиот Бог е Бог, Кој спасува; во власта на Господ е избавувањето од смртта.

²¹Но Бог ќе им ги скрши главите на непријателите Свои и влакнестото теме на оние што остануваат во своите гревови.

²²Господ рече: од Башан ќе ги вра­там, ќе ги извлечам од морските дла­бочини,

²³за да ти се натопи ногата твоја и ја­зикот на твоите кучиња во крвта на непријателите.

²⁴ⓨГо видов Твоето величествено доа­ѓање, Боже, доаѓањето на мојот Бог и Цар во светилиштето:

²⁵напред одеа пејачите, а на крајот свирачите, а во средината — девојки со тимпани:

²⁶„Во собранијата благословувајте Го Бога, Господа, вие, што сте од семето Израелово!“

²⁷ⓩТаму беше Венијамин, најмладиот; кнезовите Јудини — со своите чети, кнезовите Завулонови, кнезовите Нефта­лимови.

²⁸Покажи ја Боже, силата Твоја, снагата Твоја, Боже, како што правеше со нас во минатото.

²⁹Поради Твојот храм во Ерусалим, царевите ќе Ти принесуваат дарови.

³⁰Скроти ги ѕверовите во мочуришта­та, воловите со телињата на народите, згази ги под нозете оние кои се лакомат по почести, растури ги народите кои уживаат во војна.

³¹ⓐНека се донесе бронза од Египет, Етиопија брзо нека подаде раце кон Бога.

³²ⓑЦарства земни, пејте Му на Бога, славете Го Господа,

³³Кој се вози на небо, на небесата ис­конски. И, ете, Тој го испраќа Сво­јот глас, Својот силен глас.

³⁴ⓒПодајте Му слава на Бога! Над Из­раел е Неговото велелепие, а силата Негова на облаците.

³⁵Чудесен си Ти, Боже, во светоста Своја; Бог Израелов — Тој ќе му даде си­ла и крепост на Својот народ. Нека е благословен Бог!