Псалми 74:1-23 MKDB2006 - Bible AI

¹Зошто, Боже, нѐ отфрли засекогаш? Зошто гневот Твој се разгоре на овците од Твоето пасиште?

²ⓕСети се на Твојот народ, кого уште од порано го придоби, ги избави со же­золот како наследство Твое, и на гората Сионска, на која Ти се насели!

³ⓖЗачекори кон вечните урнатини, не­пријателот уништи сѐ во свети­лиштето Твое.

⁴Твоите непријатели викаа во Твоето Собрание, поставија свои знаци таму.

⁵Мафтаа и кршеа со секири кај горниот влез,

⁶со секира и дрвен чекан ги искршија дрвените резби;

⁷ⓗго запалија со оган Твоето светили­ште, го осквернија местото, на кое името Твое престојува, до земја го разурнаа.

⁸Рекоа во срцата свои: „Ајде докрај да ги истребиме!“ И ги изгореа сите Божји светилишта во земјата.

⁹ⓘЗнаците свои не ги гледаме, нема повеќе ни пророк, и никој од нас не знае, до кога?

¹⁰ⓙДо кога, Боже, ќе се гордее над нас непријателот? Вечно ли противникот ќе го презира името Твое?

¹¹ⓚЗошто ја повлекуваш раката Сво­ја и десницата Своја во пазувите Свои ја криеш?

¹²Но Бог, Царот мој е уште од пред вековите, Тој приготвува спасение сре­де Земјата!

¹³ⓛБоже, со силата Своја Ти го расече морето и ги сотре главите на водните страшила.

¹⁴ⓜТи му ја здроби главата на Леви­јатанот и им ја даде како храна на пус­тинските животни.

¹⁵ⓝТи ги отвори изворите и пото­ците, ти ги исуши реките непресу­шни.

¹⁶Твој е денот и Твоја е ноќта: Ти ги постави светилата и сонцето;

¹⁷Ти ги создаде сите граници на Зем­јата, летото и пролетта Ти ги определи.

¹⁸Сети се сепак на ова; непријателот Го навреди Господа; луѓе без­умни го презираат Твоето име.

¹⁹Не предавај ја на ѕверовите душа­та на Својата грлица; не заборавај ги засекогаш душите на сиромасите Твои.

²⁰Погледај на Својот завет, зашто си­те мрачни домови по земјата се исполнија со беззаконици.

²¹Да не се врати посрамен потиснатиот; сиромавиот и бедниот нека го прославуваат Твоето име.

²²Стани Боже, според правдата Своја пресуди; сети се како секој ден Те хули безбожникот.

²³Не заборавај ја викотницата на Тво­ите непријатели, буната на оние што Те мразат, која постојано се кре­ва против Тебе.