Римјаните 7:1-25 MKDB2006 - Bible AI

¹ⓟИли, пак, не знаете, браќа, — им зборувам на такви што го познаваат Законот — дека Законот има власт над човекот додека е тој жив?

²ⓠОмажената жена е поврзана преку законот со мажот, додека е тој жив; ако умре мажот, таа се ослободува од за­ко­нот, кој ја сврзал со мажот.

³Затоа, ако се омажи за друг маж, до­дека ѝ е уште жив нејзиниот маж, таа ќе стане прељубница; ако, пак, умре ма­жот, таа е слободна од законот, и нема да биде прељубница, кога ќе се омажи за друг човек.

⁴ⓡПа така и вие, браќа мои, за Законот преку телото на Исус Христос умревте, за да Му припаднете на Друг, на Оној Кој беше воскреснат од мртвите, та да Му принесеме плод на Бога.

⁵ⓢЗашто, кога живеевме во телото, то­гаш страстите гревовни, преку Законот, дејствуваа во органите, за да ѝ прине­се­ме плод на смртта;

⁶ⓣно сега, ние сме слободни од Зако­нот, откако умревме за она за што тој нѐ држеше врзани, за да Му служиме на Бога со обновен дух, а не според старата буква.

⁷ⓤШто да речеме пак? Зар Законот е грев? Никако! Но јас го разбрав гревот преку Законот, зашто и похотата не би ја познал, ако Законот не велеше: „Не биди похотлив!“

⁸ⓥНо гревот, поттикнат од заповедта, предизвика во мене секаква похота; бидејќи гревот без Законот е мртов.

⁹Некогаш живеев без Законот; но ко­га дојде заповедта, гревот оживеа.

¹⁰ⓦЈас, пак, умрев, и се покажа дека за­поведта, назначена за да даде живот, ис­тата води во смрт,

¹¹ⓧзашто гревот, поттикнат од за­по­ведта, ме измами и преку неа ме ум­р­т­ви.

¹²ⓨТака, значи, Законот е свет, и за­по­ведта света, справедлива и добра.

¹³ⓩПа така, доброто ли за мене стана смрт? Никако! Но гревот, за да се по­ка­же дека е грев, ми предизвикува преку доброто смрт, та преку заповедта гре­вот да стане премногу грешен.

¹⁴ⓐЗашто знаеме дека Законот е ду­хо­вен, а јас, пак, сум телесен, продаден на гревот како роб.

¹⁵ⓑНе го разбирам тоа што го правам; бидејќи не го правам она што сакам, ту­ку она што го мразам, тоа го правам.

¹⁶Ако, пак, го правам она што не го сакам, тогаш се согласувам со Законот дека е добар.

¹⁷Значи, тоа веќе не го правам јас, ту­ку гревот, што живее во мене.

¹⁸ⓒЈас знам дека во мене, односно во моето тело, не живее доброто; навистина желба за добро во мене има, но не и сила да го правам тоа.

¹⁹Зашто не го правам доброто, што сакам да го правам, туку злото, што не сакам да го правам.

²⁰ⓓА штом го вршам она што не го са­кам, не го вршам веќе јас, туку гревот, кој живее во мене.

²¹И така, во себе наоѓам ваков закон: кога сакам да го правам доброто, злото ми е близу.

²²ⓔБидејќи, според својот внатрешен човек наоѓам наслада во законот Божји,

²³ⓕно во своите телесни делови гледам друг закон, кој војува против законот на мојот ум и ме држи заробен во грево­в­ниот закон, кој е во моите органи.

²⁴Колку несреќен човек сум јас! Кој ќе ме избави од ова тело на смртта?

²⁵ⓖМу благодарам на својот Бог преку Исус Христос, нашиот Господ. И така, јас самиот со умот свој му служам на Божјиот закон, а со телото — на гревов­ниот закон.