Тит 1:1-16 MKDB2006 - Bible AI

¹ⓐПавле, слуга Божји и апостол на Исус Христос за верата на Божјите избраници и за спознавање на вистината по побожноста,

²ⓑсо надеж за вечниот живот, што пред вечни времиња го вети Бог, Кој не лаже,

³ⓒво свое време го јави словото Свое преку пораката што ми ја довери мене по заповед на нашиот Спасител, Бог,

⁴ⓓдо Тит, моето вистинско чедо по за­едничката вера. Благодат, милост и мир од Бог Отецот и од Господ Исус Хрис­тос, нашиот Спасител!

⁵Затоа те оставив во Крит, за да го довршиш несвршеното и во сите гра­до­ви да поставиш презвитери, како што ти бев порачал:

⁶ⓔако е некој непорочен, маж на една жена и има деца верни, што не се укорувани за блудство или непокорност.

⁷ⓕБидејќи епископот, како Божји распоредник, не треба да е порочен, ни гневлив, ни пијаница, ни тепач, ни ла­ком за гнасна печалба,

⁸ⓖтуку гостољубив, доброљубив, трез­вен, справедлив, свет, воздржлив;

⁹ⓗкој се придржува до вистинското слово, онака како што е научен, та да биде силен и да поучува во здравото учење, и да ги побива оние кои се противат.

¹⁰ⓘЗашто има и мнозина непокорни, празнословци и измамници, а особено меѓу обрезаните,

¹¹ⓙна кои треба да им се затвори устата: тие растураат цели домови, учејќи на она што не треба, поради одвратна печалба.

¹²Еден од нив, нивни пророк, беше рекол: „Критјаните се секогаш лаж­ливци, зли ѕверови, мрзливи мешишта.“

¹³ⓚТоа сведоштво е вистинско. Поради таа причина укори ги строго за да бидат здрави во верата,

¹⁴ⓛи да не слушаат јудејски бајки и за­поведи од луѓе, кои одвраќаат од вистината.

¹⁵ⓜЗа чистите е сѐ чисто, а за осквернетите и неверните нема ништо чисто; напротив, ним им се осквернети и умот и совеста:

¹⁶ⓝтие зборуваат дека Го познаваат Бо­га, а со делата свои Го одречуваат, би­дејќи се одвратни, непокорни и неспо­собни за никакво добро дело.