1ⓐПавле, затвореник на Исус Христос, и братот Тимотеј, до возљубениот Филимон, нашиот сотрудник,
2ⓑи до Апфија, возљубената сестра, и до Архип, нашиот соборец, и до твојата домашна црква.
3ⓒБлагодат вам и мир од Бога, нашиот Отец, и од Господ Исус Христос!
4ⓓСекогаш Му благодарам на мојот Бог, кога те спомнувам во молитвите свои,
5бидејќи слушам за твојата љубов и вера, која ја имаш во Господ Исус и кон сите светии,
6ⓔи молам нашата заедничка вера да се покаже во тебе на дело во познанието на секое добро, кое го имаме за Исус Христос.
7ⓕЗашто ние многу се радуваме и утешуваме поради твојата љубов, брате, бидејќи преку тебе се успокоија срцата на светиите.
8Затоа, иако имам во Христос голема слобода да ти заповедам што треба да правиш,
9ⓖсепак, од љубов кон тебе, те молам јас, каков што сум, старецот Павле, а сега и затвореник за Исус Христос,
10ⓗи те молам за моето чедо, Онисим, што го родив во оковите свои:
11и тој некогаш беше непотребен за тебе, а сега ни е многу попотребен и тебе, и мене.
12Ти го праќам назад него — прими го како да е моето срце.
13ⓘЈас сакав да го задржам кај мене, за да ми служи место тебе во оковите што ги носам за Евангелието.
14ⓙНо без твоја согласност не сакав ништо да направам, за да биде твојата добрина не како принуда, туку доброволна.
15Зашто, можеби тој поради тоа се одвои од тебе за малку време, за да го примиш засекогаш,
16ⓚне веќе како роб, а повеќе од роб, како возљубен брат, а особено за мене, и уште повеќе за тебе — и по тело, и во Господ.
17И така, ако ме имаш за содругар, прими го како да си ме примил мене.
18Ако, пак, во нешто ти згрешил, или ти е должен, префрли го тоа на моја сметка.
19ⓛЈас, Павле, напишав со своја рака: јас ќе платам, за да не ти речам дека ти и самиот цел си ми должен.
20Да, брате, да го добијат од тебе во Господ она за што Го молам; развесели го срцето мое во Господ.
21Убеден во твојата послушност, ти напишав, знаејќи дека ќе направиш и повеќе отколку што ти велам.
22А заедно со ова приготви ми и сместување, зашто се надевам дека со вашите молитви ќе ви бидам даруван вам.
23ⓜТе поздравува Епафрас, кој е со мене затвореник во Христос Исус, Марко, Аристарх, Димас, Лука — моите соработници.
24ⓝБлагодатта на нашиот Господ Исус Христос нека биде со вашиот дух. Амин!