1 Летописи 11:1-47 MKDB2006 - Bible AI

¹ⓐСе собраа сите Израелци кај Давид во Хеврон и рекоа: „Еве, ние сме коска твоја и плот твоја;

²ⓑи порано, кога Саул беше уште цар, ти го изведуваше и го воведуваше Израел: и Господ, твојот Бог, ти рече: ‚Ти ќе го пасеш Мојот народ Израел и ти ќе бидеш водач на Израел, Мојот народ.‘“

³ⓒТогаш сите израелски началници дојдоа кај царот во Хеврон, и Давид склучи со нив завет во Хеврон пред лицето Господово, и тие го помазаа Давид за цар над Израел, според словото Господово преку Самоил.

⁴ⓓИ тргна Давид и сиот Израел за Ерусалим, односно за Јевус. А таму беа Јевусијците, жители на таа земја.

⁵Жителите на Јевус му рекоа на Давид: „Нема да влезеш тука.“ Но Да­вид ја презеде тврдината Сион: тоа е градот Давидов.

⁶ⓔИ рече Давид: „Кој од сите вас најнапред ќе ги победи Јевусијците, ќе стане началник и војвода.“ Најнапред од сите излезе Јоав, Саруевиот син, и стана началник.

⁷Давид живееше во таа тврдина, и затоа ја нарекуваа Давидов град.

⁸ⓕТој изгради ѕидови околу градот, почнувајќи од Мило па сѐ наоколу; Јоав, пак, ги обнови другите делови на градот.

⁹Давид напредуваше и се воздигаше сѐ повеќе и повеќе, и Господ Саваот беше со него.

¹⁰Еве ги поглавните Давидови јунаци, кои се бореа храбро со него во царството негово, заедно со сиот Израел, за да го зацарат над Израел според словото Господово.

¹¹ⓖЕве го и бројот на јунаците што беа кај Давид: Јашовам, син Хахмо­ниев, прв од триесеттемина: тој го извлече мечот свој против триста души и наеднаш ги порази.

¹²По него Елеазар, синот на Ахохие­цот Додо — еден од тројцата јунаци:

¹³Тој беше со Давид во Пас-Дамим, каде што Филистејците се беа собрале за војна. Таму еден дел од полето беше посеано со јачмен, и народот избега од Филистејците;

¹⁴ⓗно тие се запреа среде полето, ги забележаа и ги поразија Филистејците. И Господ им донесе голема победа и ги спаси Своите луѓе.

¹⁵ⓘТие, тројцата главни од триесетте­мина водачи, се качија на карпата кај Давид во пештерата Адулам, а, пак, филистејскиот логор беше сместен во Рефаимската Долина.

¹⁶ⓙДавид во тоа време беше во утврдено место, а стражата филистејска беше во Витлеем.

¹⁷Давид ожедне и рече: „Кој ќе ми донесе да пијам вода од витлеемскиот извор, што е кај портите?“

¹⁸ⓚТогаш тие тројца се провреа низ филистејскиот логор, зафатија вода од витлеемскиот извор, што е кај портите, та му донесоа на Давид. Но Давид не сакаше да пие, туку ја излеа во слава на Господ.

¹⁹И рече: „Да ме чува Господ, тоа да го направам! Зар ќе ја пијам крвта на оние мажи, што ги изложија душите свои! Зашто со опасност по животот свој тие ја донесоа водата.“ И не сакаше да ја пие. Тоа го извршија тие тројца јунаци.

²⁰ⓛИ Авеса, братот Јоавов, беше главен меѓу тројцата: тој уби со мечот свој триста души и се прослави меѓу тие тројца.

²¹Од тројцата тој беше највиден и беше водач, но оние тројца тој не ги достигна.

²²ⓜВанеја, синот на храбриот маж Јо­дај, голем по делата, родум од Кавцеел, ги уби двајцата синови на Ариил моав­ски; тој истиот слезе и уби лав во еден ров по снежно време;

²³ⓝпак тој уби еден Египќанец, кој беше пет лакти висок: Египќанецот имаше во раката копје колку едно тка­ечко кросно, а тој пристапи кон него со стап и, откако му го изби копјето од раката на Египќанецот, го уби со него­вото копје.

²⁴Тоа го изврши Јехојадаевиот син Ванеја, и беше славен меѓу тие тројца јунаци;

²⁵тој беше повиден од триесеттемина, но на оние тројцата не им беше рамен, и Давид го постави за најблизок исполнител на своите заповеди.

²⁶А главни од борците беа: Асаил, брат на Јоав; Елханан, син на Додо, од Витлеем;

²⁷Шамот Хароранин, Хелец Пелонја­нин;

²⁸Ира, син на Икеш Текоатски; Авие­зер Анатотски;

²⁹Сивхај Хушаќанецот; Илај Ахохие­цот;

³⁰Махарај Нетофатец; Хелед, син на Баана, Нетофатецот;

³¹Итај, син Риваев, од Гива Венија­минова; Ванеја Пиратонјане­цот;

³²Хурај од Гаашките потоци, Авиел од Бет-Арава;

³³Азмавет Бахарумиец; Елјахба Шаалбониец.

³⁴Синови на Гизонецот Хашем: Јона­тан син на Шате, Харариецот;

³⁵Ахијам, син Сахаров, Харариец: Елифал, син на Ур;

³⁶Хефер Мехератиецот; Ахија Пе­лонјанинот;

³⁷Хецро Кармилански; Наарај, син Езбаев;

³⁸Јоил, брат Натанов; Мивхар, син Хагриев;

³⁹Целек Амонец; Нахрај Бероќани­нот, оружјеносец на Јоав, син Саруев;

⁴⁰Ира Јитранецот; Гарев Јитране­цот;

⁴¹Урија Хитиецот; Завад, син Ахлаев;

⁴²Адина, син на Шица, началник на Рувимовците, и со него уште триесет;

⁴³Ханан, син на Мааха; Јосафат Мит­ниецот;

⁴⁴Озија Аштератиецот; Шама и Јеиел, синови на Хотам од Ароер;

⁴⁵Једиаел, син на Шимриј, и Јоха, негов брат од Тиц;

⁴⁶Елиил од Махавим, и Јеривај и Јошавија, синови Елнаамови, и Јитма Моавецот;

⁴⁷Елиил, Овид и Јасиел од Мецо­ваја.