1 Летописи 14:1-17 MKDB2006 - Bible AI

¹ⓙТирскиот цар Хирам испрати кај Давид пратеници, кедрови дрвја, и каменоделци, за да му изградат дом.

²ⓚОткако разбра Давид дека Господ го утврдил за цар над Израел, дека царството негово се воздигнува висо­ко, заради народот негов Израел,

³тој си зеде уште жени во Еру­салим, и му се родија уште синови и ќерки.

⁴Еве ги имињата на оние што му се родија во Ерусалим: Шамуа, Шовав, Натан и Соломон,

⁵Јивхар, Елишуа, Елпелет,

⁶Ногах, Нефег, Јафија,

⁷Елишама, Беелјада, Елифелет.

⁸И слушнаа Филистејците дека Давид бил помазан за цар над целиот Израел, и сите тие се кренаа да го фа­тат Давид. А Давид, откако разбра, излезе против нив.

⁹ⓛФилистејците дојдоа и се распоредија во Рефаимската Долина.

¹⁰Давид Го праша Бога, велејќи: „Да одам ли против Филистејците, и ќе ги предадеш ли во рацете мои?“ Господ му одговори: „Оди, Јас ќе ги предадам во рацете твои.“

¹¹ⓜТие отидоа во Ваал-Перацим, и таму ги порази Давид. И рече Давид: „Бог продре меѓу моите непријатели преку раката моја како што продира вода.“ Затоа и го нарекоа тоа место Ваал-Перацим.

¹²ⓝИ Филистејците ги оставија бого­вите свои таму, а Давид заповеда, да ги изгорат.

¹³И пак дојдоа Филистејците и се улогорија во долината.

¹⁴Давид пак Го праша Бога, и Бог му одговори: „Не оди им во пресрет, туку заобиколи ги и оди кон нив откај црниците;

¹⁵и кога ќе чуеш шум како од врвеж по црничини врвови, тогаш почни ја борбата, зашто Бог ќе излезе пред тебе за да ја порази филистејската војска.“

¹⁶ⓞДавид направи така, како што му заповеда Господ, и ја порази филистеј­ската војска, од Гаваон до Гезер.

¹⁷ⓟИ Давидовото име се прочу по сите земји, и Господ направи да се плашат од него сите народи.