1 Летописи 24:1-31 MKDB2006 - Bible AI

¹Еве ги и распределбите на синовите Аронови: Аронови сино­ви беа: Надав, Авиху, Елеазар и Ита­мар.

²ⓧНадав и Авиху умреа пред таткото свој, а синови немаа, затоа свеште­ничката служба ја извршуваа Елеазар и Итамар.

³ⓨИ Давид ги распореди: Садок — од синовите Елеазарови, и Ахимелех — од синовите Итамарови, според редот на службите нивни.

⁴И се најде дека меѓу синовите Елеазарови имаше повеќе началници, отколку меѓу синовите Итамарови. И тој ги распореди вака: од синовите Елеазарови — шеснаесет началници, а од синовите Итамарови — осум.

⁵А ги распоредуваше со ждрепка, зашто началниците во светилиштето и началниците пред Бога беа од синовите Елеазарови и од синовите Итамарови;

⁶и ги запиша Шемаја, синот Ната­наилов, писар од левитите, пред царот и началниците и пред свештениците Са­док и Ахимелех, Авијатаровиот син, и пред началниците на свеште­ничките и левитските домови: кога се фрлаше ждрепка, зедоа еден од Елеазаровиот род, потоа зедоа еден од Итамаровиот род.

⁷ⓩПрвата ждрепка падна на Јојарив, вториот за Једаја,

⁸ⓐтретиот — за Харим, четвртиот — за Сеорим,

⁹петтиот — за Малкија, шестиот — за Мијамин,

¹⁰седмиот — за Хакоц, осмиот — за Авија,

¹¹деветтиот — за Јешуа, десеттиот — за Шеханија,

¹²единаесеттиот — за Елијашив, дванаесеттиот — за Јаким,

¹³тринаесеттиот — за Хупа, четиринаесеттиот — за Јешевав,

¹⁴петнаесеттиот — за Билга, шеснаесеттиот — за Имер,

¹⁵седумнаесеттиот — за Хезир, осумнаесеттиот — за Хапицец,

¹⁶деветнаесеттиот — за Петахија, дваесеттиот — за Езекиел,

¹⁷дваесет и првиот — за Јахин, дваесет и вториот — за Гамул,

¹⁸дваесет и третиот — за Делаја, дваесет и четвртиот — за Маазјаху.

¹⁹ⓑТоа беше нивниот ред за служ­бата нивна за доаѓање во домот Господов, според наредбата за нив, утврдена од таткото нивни Арон, како што му беше заповедал Господ, Бог Израелов.

²⁰Кај другите Левиеви синови распоредот беше: од синовите Амрамови — Шуваел; од Шуваеловите синови — Јехдеја;

²¹од Рихавија синот Јешија беше прв;

²²од Јицхар — Шеломот; од Шеломотовите синови — Јахат;

²³од синовите Хевронови, прв беше Јерија, втор — Амарија, трет Јахазиел, четврти — Јекамам.

²⁴Од Узииловите синови — Миха; од Миховите синови — Шамир.

²⁵Брат на Миха беше Јесеја; од Јесеевите синови — Захарија.

²⁶Од синовите Мерариеви — Махли и Муши; од синовите Јаазиини — Бено.

²⁷Синови Мерариеви од Јаазија — Шохам, Закур и Иври.

²⁸Од Махли — Елеазар: тој немаше синови.

²⁹Од Кис и од синовите Кисови — Јерахмеел;

³⁰синови Мушиеви — Махли, Едер и Јеремот. Тоа беа синовите левитски според поколенијата нивни.

³¹И тие фрлија ждрепка заедно со браќата свои, Аронови синови, пред лицето на царот Давид и Садок и Ахи­мелех и началниците на свеште­ничките и левитските редови: начал­никот на родот заедно со најмладиот брат свој.