1 Летописи 9:1-44 MKDB2006 - Bible AI

¹ⓑТака беа пребројани според родовите свои сите Израелци, и, ете, тие се запишани во книгите на израелските цареви. А Јудејците, за­ради беззаконијата свои, беа преселени во прогонство во Вавилон.

²ⓒⓓПрвите жители, што живееја во своите владенија, по израелските гра­дови, беа Израелци, свештеници, левити и служители во храмот.

³Во Ерусалим живееја некои од Јуди­ните синови и од синовите Венијамино­ви, како и од синовите Ефремови и Манасиеви:

⁴ⓔУтај, син Амихудов, син на Амвриј, син на Имриј, син на Ваниј, — од сино­вите на Фарес, Јудиниот син;

⁵од синовите Шилонови — Асаја, првороден, и синовите негови;

⁶од синовите на Зерах — Јеуел и бра­ќата нивни, — шестотини и деве­десет;

⁷од синовите Венијаминови — Салу, син на Мешулам, син на Ходавија, син Хасенуин;

⁸Ивнеја, син Јерохамов, Ила, син на Озиј, син Мокриев; Мешулам, син на Сафатија, син на Рагуил, син на Ивнија,

⁹и браќата нивни според родовите нивни: деветстотини педесет и шест, — сите тие мажи беа началници на ро­довите во поколенијата свои.

¹⁰А од свештениците: Једаја, Јојарив, Јахин,

¹¹Азарија, син на Хелкија, син на Ме­шулам, син на Садок, син на Мерајот, син Ахитувов, кој беше началник на Божјиот дом;

¹²ⓕАдаја, син на Јерохама, син на Па­шхур, син Мелхиев; Масај, син Адие­лов, син Јехзеров, син на Мешу­лам, син на Мешилемит, син Имеров,

¹³и браќата нивни, началници на ро­довите свои: илјада седумстотини и шеесет, — мажи истакнати во служба­та своја во Божјиот дом.

¹⁴А од левитите: Шемај, Хашувов син, син на Азрикам, син Хашавиев, — од синовите Мерариеви;

¹⁵ⓖБакбакар, Хереш, Галал и Мата­нија, син на Миха, син на Зихриј, син Асафов;

¹⁶ⓗАвдија, син Шемаев, син на Галал, син на Једутун, и Варахија, син на Аса, син на Елкана, кој живееше во Нето­фатските села.

¹⁷ⓘА вратари: Селум, Акув, Талмон, Ахиман и браќата нивни; Селум беше главен.

¹⁸ⓙТие се и до денес вратари кај цар­ската порта кон исток и ја одр­жуваат стражата на синовите Левиеви.

¹⁹ⓚСелум, син Кореов, син на Евија­саф, син на Кореј, и браќата негови од неговиот род, — Кореовци, по службата беа стражари кај праговите на скинијата, а татковците нивни го чуваа влезот во Господовиот дом.

²⁰ⓛФинес, син Елеазаров, беше водач нивни, и Господ беше со него.

²¹ⓜЗахарија, син Мешелемов, беше вратар кај вратата во скинијата на собранието.

²²ⓝСите тие, избрани за вратари кај праговите, беа двесте и дванаесет. Тие се запишани во списокот според нивни­те села. Нив ги поставија Давид и Само­ил јасновидецот заради верноста нивна.

²³Тие и синовите нивни чуваа стража кај вратата на домот Господов, кај до­мот на скинијата.

²⁴Вратари имаше на четирите страни: на источната, западната, северната и јужната.

²⁵А браќата нивни живееја во свои­те села и доаѓаа одвреме — навреме кај нив за седум дена.

²⁶ⓞЗашто четворицата главни вра­тари, левити, исто така беа поставени над одаите и ризниците на Божјиот дом.

²⁷ⓟТие престојуваа и ноќе околу Бож­јиот дом, бидејќи ним им беше нало­жено да го чуваат, и тие беа должни секое утро да ги отвораат вратите.

²⁸Некои од нив беа поставени кај садовите за богослужба, кои ги примаа со број и даваа со број.

²⁹ⓠНа други од нив им беа доверени другите садови и сите посветени нешта: најчисто брашно, вино, масло, темјан и мирисите.

³⁰ⓡА некои од синовите на свештени­ците подготвуваа миро од разни мириз­ливи материи.

³¹А на левитот Матитија, првороден на Кореовецот Селум, му беше до­верено она што се подготвува во тавче.

³²ⓢНа некои од браќата нивни, од си­новите Каатови, им беше доверено да ги приготвуваат лебовите што се принесуваат секоја сабота.

³³ⓣА пејачите, главните во левитските поколенија, во собите на хра­мот беа ос­лободени од работа, бидејќи беа должни да се занимаваат дење и ноќе со својата служба.

³⁴ⓤТоа се началниците на татковите домови на левитите, според нивните поколенија. Тие живееја во Ерусалим.

³⁵Во Гаваон живееја: Јеиел, татко на Гаваонците, — жена му се викаше Мааха, —

³⁶и првородениот син негов Авдон; по него: Цур, Кис, Ваал, Нир, Надав,

³⁷Гедор, Ахјо, Захарија и Миклот.

³⁸Миклот го роди Шимам. И тие живееја до браќата свои во Ерусалим, заедно со нив.

³⁹ⓥНир го роди Кис, Кис го роди Саул, Саул го роди Јонатан, Мелхи­суј, Ави­надав и Ешбаал.

⁴⁰Јонатанов син беше Мерив-Ваал; Мерив-Ваал го роди Миха.

⁴¹Синови на Миха: Питон, Мелех, Тахреа и Ахаз.

⁴²Ахаз го роди Јара; Јара го роди Алемет, Азмавет и Замвриј, Замвриј го роди Моца.

⁴³Моца го роди Бина; Рефаја беше негов син; Елеаса, негов син, Ацел, негов син.

⁴⁴Ацел имаше шестмина синови, и еве ги имињата нивни: Азрикам, Бохру, Исмаил, Шеарија, Авдија и Ханан. Тоа се синовите Ацелови.