1 Солуњаните 1:1-10 MKDB2006 - Bible AI

¹ⓐОд Павле, Силван и Тимотеј — до црквата на Солуњаните во Бог Оте­цот наш и во Господ Исус Христос, бла­годат вам и мир од Бог Отецот и Господ Исус Христос!

²ⓑСекогаш Му благодариме на Бога за сите вас, сеќавајќи се на вас во мо­лит­вите наши, непрестано,

³ⓒго споменуваме делото на вашата ве­ра, трудот на вашата љубов и истрајноста во надежта ваша во нашиот Господ Исус Христос пред Бога и Отецот наш.

⁴ⓓЗнаеме, возљубени браќа од Бога, дека сте избрани,

⁵ⓔзашто нашето Евангелие не дојде кај вас само со слово, туку и во сила и во Светиот Дух, и во полна увереност: са­ми знаете какви бевме меѓу вас заради вас.

⁶ⓕИ вие се угледавте на нас и на Гос­под, кога во големи маки го примивте словото со радост на Светиот Дух,

⁷ⓖтака што станавте образец за сите верници во Македонија и Ахаја.

⁸ⓗЗашто од вас одекна словото Гос­по­дово не само во Македонија и Ахаја, ту­ку и во секое место се пронесе славата за верата во Бога, така што нема потреба ние нешто да зборуваме.

⁹ⓘВпрочем, верниците сами разгласуваат за нас, за нашето доаѓање кај вас, и ка­ко од идолите се обративте кон Бога за да Му служите на живиот и вистин­ски Бог,

¹⁰ⓙи да Го очекувате од небесата Не­го­виот Син, Кого Тој Го воскресна од мртвите, Исус, Кој нѐ избавува од гне­вот што доаѓа.