1 Тимотеј 2:1-15 MKDB2006 - Bible AI

¹ⓡМолам, пред сѐ, да се прават про­сби, молитви, молби и благодаренија за сите луѓе:

²ⓢза царевите и за сите што се на вла­ст, та да поживееме тих и мирен живот во потполна побожност и достоинство.

³ⓣТоа е добро и угодно пред нашиот Спа­сител Бог,

⁴ⓤКој сака сите луѓе да се спасат и да ја познаат вистината.

⁵ⓥЗашто еден е Бог и еден е Пос­ред­ник меѓу Бога и луѓето — Човекот Хрис­тос Исус,

⁶ⓦКој се даде Себе како откуп за сите — а тоа се посведочи во свое време;

⁷ⓧпа затоа сум поставен како про­по­ведник и апостол — зборувам вистина во Христос, не лажам — како учител на незнабошците во верата и вистината.

⁸Мажите сакам да се молат на секое место, кревајќи чисти раце без гнев и расправии.

⁹ⓨИсто така и жените, облечени пристојно, со срамежливост и чесност да се украсуваат, не со плетенки, ни со злато, со бисери, или со скапоцени облеки,

¹⁰ⓩтуку со добри дела, како што им прилега на жени што ѝ се посветуваат на побожноста.

¹¹ⓐЖената нека прима поука во мир и потполна потчинетост.

¹²ⓑНа жената не ѝ допуштам да поу­­чу­ва, ниту да господари над мажот, туку да биде мирна.

¹³ⓒБидејќи најпрвин беше создаден Адам, а потоа Ева;

¹⁴ⓓи Адам не беше измамен, туку же­ната беше измамена и направи престап.

¹⁵ⓔНо ќе се спаси преку раѓање деца, ако остане во верата, љубовта и во светоста со разборитост.