1 Тимотеј 5:1-25 MKDB2006 - Bible AI

¹ⓩНе укорувај старец, туку почитувај го како да ти е татко; помладите, пак, како да ти се браќа;

²старите жени — како мајки, младите — како сестри, со сета чистота.

³Вдовиците почитувај ги, но вистинските вдовици.

⁴Ако, пак, некоја вдовица има деца или внуци, тие најнапред нека се научат да го почитуваат својот дом и со тоа да им возвратат со дар на родителите свои, бидејќи тоа е добро и угодно за Бога.

⁵ⓐА онаа што е вистинска вдовица и останала сама, таа се надева на Бога и пребива во молитви и молења дење и ноќе.

⁶ⓑНо онаа, пак, што живее рас­пуш­тено, таа умрела уште додека е жива.

⁷Порачувај им го уште и тоа, да би­дат беспорочни.

⁸Ако некој не се грижи за своите, а особено за своите домашни, тој се од­ре­кол од верата и полош е од безверник.

⁹Во попис да се запише само таква вдовица која не е помлада од шеесет го­дини, и ако имала само еден маж,

¹⁰ⓒи има сведоштва за добри дела; от­хра­нила деца, била гостољубива, миела нозе на светии; ако им помагала на пострадани и на секое добро дело усрдно се посветувала.

¹¹А помлади вдовици не примај, зашто кога страстите ќе ги одвратат од Христос, ќе посакаат да се мажат.

¹²Тие заслужуваат осуда, зашто ја от­фрлиле порано дадената верност.

¹³ⓓОсвен тоа, шетајќи од куќа до куќа, навикнуваат да бидат безработни; и не само безработни, туку се и јазичарки, љубопитни и зборуваат што не прилега.

¹⁴ⓔЗаради тоа, сакам помладите вдовици да се мажат, да раѓаат деца, да бидат домаќинки и да не му даваат никаков повод на противникот за хулење;

¹⁵зашто некои веќе скршнаа по са­та­ната.

¹⁶Ако некој верник или верничка има во куќата вдовици, нека се грижи за нив, за да не се товари Црквата, па да може да пригледува вистински вдовици.

¹⁷ⓕА свештениците, што добро ја извршуваат својата управителска служ­ба, нека се удостојуваат со двојна почит; а најмногу, пак, оние кои се трудат во словото и во поуката.

¹⁸ⓖЗашто Писмото вели: „Не заврзувај уста на вол кој врши“, и: „Работникот ја заслужува својата плата.“

¹⁹ⓗОбвинение против презвитери не прифаќај, освен пред двајца или тројца сведоци.

²⁰ⓘА оние што грешат, искарај ги пред сите, па и другите да имаат страв.

²¹Те заколнувам пред Бога, пред Господ Исус Христос и пред избраните ангели да го пазиш ова без предрасуда и ништо да не правиш по пристрасност.

²²Раце на никого не полагај пребрзо, ниту, пак, на туѓи гревови да стануваш соучесник! Пази се себе чист!

²³Не пиј веќе само вода, но употребувај по малку и вино, поради стомакот и честите боледувања!

²⁴Гревовите на некои луѓе се јасни и однапред ги водат на суд, а на некои по нив одат.

²⁵ⓙИсто така и добрите дела се јасни; а оние што не се такви, не можат да се сокријат.