2 Коринтјаните 8:1-24 MKDB2006 - Bible AI

¹ⓑБраќа, ве известувам за благодатта Божја, дадена на македонските цркви,

²дека и покрај големото испитување во маката, нивната радост беше изобилна; и покрај нивната длабока сиромаш­тија покажаа големо богатство во нивната дарежливост,

³ⓒзашто, според нивните можности, па дури и преку нивните можности, јас сум сведок дека тие даваа доброволно,

⁴ⓓнѐ молеа многу усрдно да го прими­ме нивниот дар и учеството во прислу­жувањето на светиите;

⁵и тоа не како што се надевавме, туку тие најнапред сами себе Му се предадоа на Господ, а потоа и нам, по волјата Божја.

⁶Затоа го замоливме Тит, онака како што беше почнал порано, така и меѓу вас да го заврши тоа дело на дареж­ли­воста.

⁷ⓔИ како што сѐ изобилува во вас: верата и словото, знаењето и секоја усрдност и љубовта ваша кон нас, така нека изобилува во вас и таа добродетел.

⁸Ова ви го велам не како заповед, ту­ку преку усрдност на другите да ја испитаме искреноста и на вашата љу­бов.

⁹ⓕБидејќи вие ја знаете дарежливоста на нашиот Господ Исус Христос, дека Тој, иако богат, осиромаши заради вас, да се збогатите и вие преку Неговата сиромаштија.

¹⁰А со ова ви давам само совет, зашто тоа е полезно за вас, кои почнавте уште од минатата година, не само да го пра­вите, туку и да сакате да го правите.

¹¹А сега довршете го започнатото де­ло, та, како што имаше усрдност во ва­шето барање, така усрдно нека биде и неговото довршување според можностите.

¹²ⓖЗашто, ако се има усрдност, таа е мила по тоа што ја има, а не по тоа што ја нема.

¹³ⓗЗатоа не сакам на другите да им би­де лесно, а вам — тешко, туку подеднакво:

¹⁴ⓘвашиот сегашен вишок да го дополни нивниот недостиг, та и нивниот вишок да послужи за вашиот недостиг, па да има еднаквост,

¹⁵ⓙкако што е напишано: „Кој собра многу, немал вишок; и кој малку, немал недостиг.“

¹⁶Да Му благодариме на Бога, Кој во срцето на Тит положи толкава усрдност за вас.

¹⁷Тој ја прифати мојата молба, и би­дејќи многу ревносен, доброволно тргна кон вас.

¹⁸ⓚСо него го испративме братот, по­фалуван по сите цркви за неговото бла­говестие;

¹⁹и не само тоа, туку црквите го из­браа за да нѐ придружува во тоа дело на дарежливоста, на кое му служиме за слава на Самиот Господ и за нашата добра волја,

²⁰пазејќи се, да не нѐ укори некој по­ради обилните приноси, за чие собира­ње се грижиме ние.

²¹ⓛЗашто ние се трудиме за доброто не само пред Господ, туку и пред луѓето.

²²Со нив го испративме и нашиот брат, чија ревност многупати сме ја ис­пробале во многу работи, и кој сега е уште поревносен поради големата уве­реност во вас.

²³Што се однесува до Тит, тој е мој другар и соработник меѓу вас; а по од­нос на нашите браќа, тие се пратеници на црквите, Христова слава.

²⁴И затоа покажете им пред црквите доказ на вашата љубов и на спра­вед­ли­воста на нашите пофалби за вас.