2 Летописи 11:1-23 MKDB2006 - Bible AI

¹Ровоам пристигна во Ерусалим и свика од Јудиниот и Венија­миновиот дом сто и осумдесет илјади одбрани војници, за да војуваат против Израел и да му го вратат царството на Ровоам.

²И дојде слово Господово до Шемаја, човекот Божји, со кое беше речено:

³„Кажи му на Соломоновиот син Ровоам, цар јудејски, и на сиот Израел во Јудиното и Венијамино­вото племе:

⁴вака вели Господ: ‚не одете и не почнувајте војна со браќата свои; вра­тете се секој во домот свој, зашто Јас го направив тоа.‘“ Тие ги послушаа збо­ровите Господови и се вратија од походот против Јеровоам.

⁵Ровоам живееше во Ерусалим и ги загради градовите во Јудеја со ѕидови.

⁶Ги утврди Витлеем, Етам, Текоа,

⁷Бет-Цур, Сохо, Адулам,

⁸Гет, Мареша, Зиф,

⁹Адораим, Лакиш, Азека,

¹⁰ⓤЦора, Ајалон и Хеврон, што беа на Јудиното и на Венијаминовото племе.

¹¹Ги зацврсти тие тврдини и по­стави во нив началници и складишта со жито, масло и вино.

¹²И на секој град му даде штитови и копја и ги зацврсти прилично добро. Под него останаа Јуда и Венијамин.

¹³ⓥСвештениците и левитите, колку што ги имаше по целата земја израел­ска, се собраа кај него од сите краишта,

¹⁴ⓦзашто левитите ги оставија селата свои и имотите свои и дојдоа во Јудеја и во Ерусалим, бидејќи Јеровоам и синовите негови ги отстранија од свеш­тенството Господово

¹⁵ⓧи си поставија пагански свеште­ници во идолските светилишта на ридовите, за идолите и за телињата што тој ги на­прави.

¹⁶А по нив и од сите племиња израелски, кои го управија срцето свое да Го бараат Господ, Бог Израелов, одеа во Ерусалим, за да Му принесат жртви на Господ, Бог на нивните предци.

¹⁷Тие го зацврстија царството Јудино и го поддржуваа Соломоно­виот син Ровоам три години, зашто одеа по патот на Давид и Соломон во тие три години.

¹⁸Ровоам си ја зеде за жена Маха­лата, ќерката на Јеримот, син Давидов, и на Авихаил, ќерка на Ели­јав, син на Јесеј;

¹⁹И таа му ги роди синовите: Јеус, Шемарија и Захам.

²⁰ⓨПо неа тој ја зеде Мааха, ќерка Авесаломова, и таа му ги роди Авија, Атај, Зиза и Шеломит.

²¹ⓩРовоам ја сакаше Мааха, Аве­саломовата ќерка, повеќе од сите свои жени и прилежници, зашто тој имаше осумнаесет жени и шеесет прилежници, и роди дваесет и осум синови и шеесет ќерки.

²²ⓐРовоам го постави Авија, синот на Мааха, за началник и кнез над бра­ќата свои, зашто сакаше да го напра­ви цар.

²³Па мудро работејќи, тој ги рас­прати сите синови свои по сите земји на Јуда и Венијамин, по сите утврдени градови, им даде многу храна и за нив доведе многу жени.