2 Летописи 17:1-19 MKDB2006 - Bible AI

¹ⓐ ⓑНа негово место се зацари синот негов Јосафат, кој пока­жа сила против Израелците.

²Тој распореди војски по сите утврдени градови на Јудеја и постави стра­жи по земјата јудејска и по градовите Ефремови, што ги беше завладеал татко му Аса.

³И Господ беше со Јосафат, зашто одеше по правите патишта на таткото свој Давид и не ги бараше Ваа­ловците,

⁴туку Го бараше Бога на таткото свој и постапуваше по Неговите заповеди, а не по делата на Израел­ците.

⁵ⓒИ Господ го зацврсти царството во рацете негови; сите Јудејци му носеа подароци на Јосафат; тој се здоби со големо богатство и слава.

⁶ⓓСрцето негово се храбреше на Гос­подовите патишта; притоа тој ги от­страни оброчиштата и паганските све­тилишта во Јудеја.

⁷ⓔА на третата година од царувањето ги испрати началниците свои Бенхаил, Авдија, Захарија, Натанаил и Михеј да го поучуваат народот по Јудините гра­дови,

⁸ⓕи со нив левитите: Шемаја, Нета­нија, Зевадија, Асаил, Шемирамот, Јо­натан, Адонија, Товијаху и Тов-Адони­ја, а со нив уште и свештениците Елишама и Јорам.

⁹ⓖТие ги подучуваа Јудејците, носеј­ќи ја со себе Книгата на Законот Господов; ги обиколуваа сите јудејски градови и го учеа народот.

¹⁰ⓗИ ги обзеде страв Господов сите зем­ни царства околу Јудеја, и не војуваа со Јосафат.

¹¹А од Филистејците му носеа на Јосафат дарови и сребро за данок; исто така и Арапите му донесуваа ситен добиток: седум илјади и седумстотини овни и седум илјади и седумстотини јарци.

¹²Се издигаше Јосафат сѐ повеќе, и изгради во Јудеја домови, градови и тврдини.

¹³Тој имаше големо богатство во јудејските градови, а во Ерусалим — храбри борци.

¹⁴Еве го нивниот список според домовите на нивните предци: од Јуда илјаданачалници: Адна водач, кој има­ше триста илјади храбри војници;

¹⁵по него Јоанан началник, кој имаше двесте и осумдесет илјади;

¹⁶по него Амасија, Зихриев син, кој Му се беше посветил на Господ; тој имаше двесте илјади силни војници.

¹⁷ⓘОд Венијамин: храбриот војник Елијада, кој имаше двесте илјади воору­жени со лак и штит;

¹⁸по него Јозавад, кој имаше сто и осумдесет илјади вооружени војници.

¹⁹Ете, тие му служеа на царот, покрај оние што ги беше распоредил царот во утврдените градови по цела Јудеја.