2 Летописи 21:1-20 MKDB2006 - Bible AI

¹ⓣИ почина Јосафат кај своите предци и беше погребан со свои­те предци во Давидовиот град. На негово место се зацари синот негов Јорам.

²Неговите браќа, синови Јосафа­тови беа: Азарија, Јехиил, Захарија, Азарија, Михаил и Сафатија; сите тие беа сино­ви на израелскиот цар Јосафат.

³ⓤНивниот татко им даде големи по­дароци во сребро, злато и скапоцености, заедно со утврдените градови во Јудеја, а царството му го предаде на Јорам, бидејќи тој беше првороден.

⁴Јорам стапи на татковиот престол, се утврди и ги уби со меч сите свои браќа, а исто така и некои израелски началници;

⁵Јорам беше на триесет и две години, кога стана цар, и царуваше во Ерусалим осум години;

⁶тој одеше по патот на израелските цареви, како што постапуваше домот Ахавов, зашто Ахавовата ќерка му беше жена, — и го правеше, она што бе­ше неугодно пред очите Господови.

⁷ⓥНо Господ пак не сакаше да го погуби домот Давидов поради заветот, што го беше воспоставил со Давид, и поради тоа што беше ветил да му даде светилник нему и на синовите негови за сите времиња.

⁸Во неговите дни Едомците се одметнаа од власта Јудина и си поставија цар.

⁹Затоа Јорам тргна со своите војводи, и со сите коли свои; и станувајќи ноќе, го порази Едом, кого го беа опколиле, и началниците на колите.

¹⁰ⓦТака Едомците им станаа постојани противници на Јудејците, до денес. Во исто време се одметна и Ливна од власта негова, зашто Го беше оставил Гос­под Бог на своите предци.

¹¹Исто така и идолски светилишта направи по горите јудејски, ги воведе во блудство ерусалимските жители и ја заведе Јудеја.

¹²ⓧИ му дојде писмо од пророкот Или­ја, во кое се велеше: „Вака говори Гос­под, Бог на твојот татко Давид: ‚затоа што не тргна по патиштата на татко си Јосафат и по патиштата на Аса, царот јудејски,

¹³ⓨтуку појде по патот на израелските цареви и ги воведе во блудство Јудеја и ерусалимските жители, како што го воведуваше во блудство домот Ахавов, па уште и браќата свои, домот на татко си, кои беа подобри од тебе, ти ги уби.

¹⁴Затоа, еве, Господ ќе го порази со голем пораз твојот народ и синовите твоⓩи, и жените твои, и целиот имот твој,

¹⁵а, пак, тебе, со лута болест, со болест на цревата, така што цревата ќе ти излегуваат од утробата од ден на ден.‘“

¹⁶И го подигна Господ против Јорам духот на Филистејците и Арапите, соседи на Етиопјаните;

¹⁷ⓐи тие се кренаа против Јудеја, навлегоа во неа и го ограбија сиот имот, што беше во домот на царот, а исто така и синовите негови, и жените негови, та не му остана друг син, освен Охозија, најмалиот од синовите негови.

¹⁸По сето тоа Господ го удри со неиз­лечива цревна болест.

¹⁹Така одеше од ден на ден, а кон крајот на втората година му излегоа цревата од болеста негова и тој умре во страшни маки; и народот не запали за него благопријатни мириси како што правеше за предците негови;

²⁰тој беше на триесет и две години, кога стана цар, царуваше во Еру­салим осум години, и почина неоплакан; го погребаа во Давидовиот град, но не во царските гробници.