2 Летописи 22:1-12 MKDB2006 - Bible AI

¹Жителите ерусалимски место него за цар го поставија Охозија, најмалиот негов син, бидејќи сите постари беа убиени од разбојници, што се беа приближиле до логорот со Арапите, — и така стана цар Охозија, си­нот на јудејскиот цар Јорам.

²Охозија беше на дваесет и две години, кога стана цар, и царуваше во Еру­салим една година; мајка му се викаше Готолија, ќерка на Омриј.

³И тој исто така одеше по патиш­тата на Ахавовиот дом, зашто мајка му беше негова советничка во незаконските дела.

⁴Тој го правеше она што беше неугодно пред очите на Господ, како домот Ахавов, зашто по смртта на татко му тој дом му беше советник, за негова пропаст.

⁵И, следејќи го нивниот совет, Охо­зија отиде со израелскиот цар Јорам, син Ахавов, во војна против Азаил ара­мејскиот цар, во Рамот Галаадски. И Арамејците го ранија Јорам;

⁶ⓑтој се врати во Израел да се лекува од раните, што му ги нанесоа во Рама, кога војуваше со Азаил, арамејскиот цар. И Охозија, синот Јорамов, цар јудеј­ски, дојде да го посети Јорама, синот Ахавов, во Израел, бидејќи тој беше болен.

⁷ⓒТоа беше од Бога за пропаст на Охозија, затоа што тој дојде кај Јорам; зашто, откако дојде, излезе со Јорам против Јуј, синот Нимшиев, кого Гос­под го беше помазал за истребување на домот Ахавов.

⁸ⓓКога Јуј извршуваше суд над домот Ахавов, ги најде началниците јудејски и синовите на Ахазиевите браќа, кои му служеа на Охозија, и ги уби.

⁹ⓔТогаш заповеда да го бараат Охо­зија; го фатија, кога се криеше во Сама­рија; го доведоа кај Јуј, го убија и го погребаа, зашто велеа: тој е син на Јоса­фат, кој Го бараше Господа со сето срце свое! И не остана во домот Ахазиев никој, кој би можел да царува.

¹⁰А Готолија, Ахазиевата мајка, откако виде дека син ѝ умрел, стана и го погуби сиот царски род на Јудиниот дом.

¹¹Но царската ќерка Јехошават го зеде Ахазиевиот син Јоас, го грабна меѓу царските синови, кога ги убиваа, и го скри со доилката во спалната соба. На тој начин Јехошават, ќерката на царот Јорам, жена на свеште­никот Јодај, сестра на Охозија, го сокри Јоас од Готолија, и таа не го уби.

¹²И го криеја кај нив во домот Божји шест години; а над земјата царуваше Готолија.