2 Летописи 24:1-27 MKDB2006 - Bible AI

¹Јоас беше на седум години, кога стана цар и царуваше во Еруса­лим четириесет години; мајка му се ви­каше Цивија, од Вирсавија.

²Јоас правеше она што беше угодно пред очите на Господ преку сите денови на свештеникот Јодај.

³ⓟЈодај му зеде две жени, и тој имаше од нив синови и ќерки.

⁴Потоа Јоас намисли да го обнови домот Господов,

⁵ⓠИ ги собра свештениците и левитите и им рече: „Одете по градовите на Јудеја и секоја година собирајте од сите Израелци сребро за одржување на домот на нашиот Бог, и побрзајте во таа работа.“ Но левитите не побрзаа.

⁶ⓡИ царот го повика Јодај, нивниот началник, и му рече: „Зошто не бараш од левитите да го донесуваат од Јудеја и Ерусалим данокот, уста­новен за скинијата на собранието од Мојсеј, слуга Господов, и од израелското собрание?“

⁷Бидејќи нечестивата Готолија и синовите нејзини го беа разурнале до­мот Божји, и сѐ што беше посве­тено на домот Господов, го беа упо­требиле за Вааловци.

⁸Царот заповеда, та направија ковчег и го поставија кај влезот на домот Господов, однадвор,

⁹па разгласија по Јудеја и Ерусалим да Му Го принесуваат на Господ дано­кот, наложен од Мојсеј, слугата Божји, на Израелците во пустината.

¹⁰ⓢСе зарадуваа сите началници и сиот народ, па принесуваа и пуштаа во ков­чежето, додека не се наполни.

¹¹И кога левитите, пак, го донесуваа ковчежето кај царските чиновици, и тие гледаа дека има многу сребро, доаѓаше царскиот писар и повереникот на прво­свештеникот, го празнеа и пак го однесуваа и го ставаа на истото место негово. Така правеа секој ден, и собраа мно­гу сребро.

¹²Царот и Јодај го предаваа на надгледниците по домот Господов, и тие најмуваа каменоресци и дрводелци за обновување на домот Господов, исто та­ка и ковачи и казанџии, за да го поправат домот Господов.

¹³Распоредниците работеа, и со нив­ните раце се изврши поправката, и го дотераа домот Божји во поранешна состојба и го поправија.

¹⁴И кога завршија сѐ, му го однесоа на царот и на Јодај останатото сребро. И направија од него садови за домот Господов, садови за служба и за сепаленици, чаши и други садови, златни и сребрени. И принесуваа сепаленици во домот Господов постојано преку сите денови на Јодај.

¹⁵Јодај откако остаре и, откако се насити од животот, умре; тој беше на сто и триесет години кога умре.

¹⁶Го погребаа во Давидовиот град кај царевите, бидејќи тој правеше добро во Израел — и за Бога и за домот Негов.

¹⁷Но по смртта на Јодај дојдоа јудеј­ските началници и му се поклонија на царот; оттогаш царот почна да ги слуша.

¹⁸ⓣИ го оставија домот Господов, Бог на своите предци, и почнаа да им слу­жат на посветените дрвја и на идолите; заради тој нивен престап се подигна гневот Господов и врз Јуда и Ерусалим.

¹⁹ⓤТој им испрати пророци за да ги повратат кон Господ и им сведочеа, но тие не ги послушаа.

²⁰ⓥИ Духот Божји го исполни Заха­рија, синот на свештеникот Јодај, и тој застана на возвишението пред народот и им рече: „Вака вели Гос­под: зошто ги прекршувате Господо­вите заповеди? Успех нема да имате: како што вие Го оставивте Господа, така и Тој ќе ве остави.“

²¹ⓦТогаш се побунија против него и го убија со камења, по заповед на царот Јоас, во дворот на Господовиот дом.

²²ⓧЦарот Јоас не се сети на доброто, што му го беше направил Јодај, таткото на Захарија, а го уби синот негов. И тој умирајќи, велеше: „Нека види Господ и нека се одмазди!“

²³Откако измина годината, излезе против него арамејска војска и влегоа во Јудеја и Ерусалим и ги истребија од народот сите началници народни и сиот плен, земен од нив и му го испратија на царот во Дамаск.

²⁴ⓨИако сириската војска беше дошла во мал број, Господ им предаде во рацете нивни мошне многубројна сила, затоа што Го беа оставиле Господ, Бог на нивните предци. Тие му се одмаздија и на Јоас.

²⁵Кога си отидоа од него, откако го оставија во тешка болест, слугите негови направија заговор против него, заради крвта на синот на свештеникот Јодај, го убија во леглото негово и тој умре. Го погребаа во Давидовиот град, но не го погребаа во царските гробници.

²⁶А заговорници против него беа: За­вад, син на Амонката Шимеата, и Јехо­завад, син на Моавката Шимрита.

²⁷За синовите негови, за многуте про­роштва против него и за обновувањето на Божјиот дом е напишано во Книгата на царевите. Наместо него стана цар синот негов Амасија.