2 Летописи 35:1-27 MKDB2006 - Bible AI

¹ⓑЈошија ја прослави Пасхата Господова во Ерусалим, и го заклаа пасхалното јагне на четиринаесеттиот ден од првиот месец.

²И ги насели свештениците по местата нивни и ги поттикнуваше да му служат на домот Господов;

³и им рече на левитите, посветени на Господ и учители на сите Израелци: поставете го светиот ков­чег во храмот, што го изгради Соло­мон, синот Дави­дов, цар израелски; нема потреба да го носите на раменици; служете Му сега на Господ, нашиот Бог и на народот Негов Израел;

⁴ⓒзастанете според родовите на своите предци и според родовите свои, како што е заповедано од Давид, царот изра­елски, и како што е заповедано од синот негов Соломон,

⁵стојте во светилиштето, според она како што се распоредени родови­те на вашите браќа, синовите народни, спо­ред она како што се разделени левитските родови и редови;

⁶ⓓзаколете го пасхалното јагне, осве­тете се и подгответе го за браќата свои, постапувајќи согласно со Госпо­довото слово преку Мојсеј.

⁷ⓔИ им подари Јошија на синовите народни, на сите, што беа таму, од ситниот добиток јагниња и јариња, сѐ за пасхалната жртва, на број триесет илјади и три илјади вола. Тоа беше од царскиот имот.

⁸ⓕИ началниците негови сесрдно даваа принос за народот, на свеш­тениците и на левитите: Хелкија, Захарија и Је­хиил, старешини во Бо­жјиот дом, им дадоа на свештениците за жртва пас­хална две илјади и шестотини јагниња и јариња и триста вола;

⁹Конанјаху, Шемаја и Натанаил, не­гови браќа, Ашавија, Јехиил и Јозавад, левитски старешини, им подарија на левитите за пасхална жртва пет илјади овци и петстотини волови.

¹⁰Така се подготви службата, и по царева заповед свештениците застанаа на своите места и левитите според сме­ните свои;

¹¹го заклаа пасхалното јагне, и свеш­тениците росеа со крвта, што ја земаа од рацете на левитите, а левитите ги дереа кожите;

¹²и го распределија определеното за сепаленици, за да го дадат по редо­вите на татковските родови на сино­вите на­родни, за принос на Господ, како што е напишано во Мојсеевата книга. Истото тоа го направија и со воловите.

¹³ⓖИ го испекоа на оган пасхалното јагне, според законот; а свештените жртви ги сварија во котли, грниња и тави, па го раздадоа брзо по сиот народ;

¹⁴ⓗпотоа приготвија за себе и за свеш­тениците, зашто свештениците, сино­вите Аронови, беа зафатени со принесувањето сепаленици и масни меса до ноќта; затоа левитите готвеа и за себе и за свештениците, синовите Аронови.

¹⁵ⓘА пејачите, синови Асафови, оста­нуваа по местата свои, според наредбите на Давид и Асаф, Еман и Једутун, царевиот јасновидец, а вратарите кај секоја врата: немаше зашто да ја напуштаат службата своја, бидејќи бра­ќата нивни, левитите, готвеа за нив.

¹⁶Така беше распоредена целата служба во тој ден, за да направат Пасха и да принесат сепаленици на Господо­виот жртвеник, по заповед на царот Јошија.

¹⁷Така ја празнуваа израелските си­нови, што беа таму Пасхата во тоа вре­ме и празникот Бесквасници во текот на седум дена.

¹⁸Таква Пасха не беше прославувана во Израел од деновите на пророкот Самоил; од израелските цареви ниеден не беше приготвил таква Пасха, каква што направи Јошија, свештениците, левитите и сите Јудеј­ци, и Израелци, кои беа таму, и жителите ерусалимски.

¹⁹Таа Пасха беше прославена во осумнаесеттата година од царувањето на Јошија.

²⁰ⓙПо сето тоа, откако Јошија го уреди Божјиот дом, дојде Нехо, египетскиот цар, да се бори на реката Еуфрат кај Каркемиш. Јшија му излезе во пресрет.

²¹ⓚНехо испрати кај него пратеници да кажат: „Што има меѓу мене и тебе, царе јудејски? Против тебе сега не сум тргнал, туку против домот со кој имам војна. Бог ми заповеда да брзам; немој да Му се противиш на Бога, Кој е со мене, за да не те погуби.“

²²Но Јошија не го одврати лицето од него, туку се приготви да се бие со него; и не ги послуша зборовите на Нехо, што беа од Бога, туку излезе во бој во долината Мегидо.

²³ⓛИ стрелците го устрелија царот Јошија, и царот им рече на слугите свои: „Одведете ме, зашто сум тешко ранет.“

²⁴Слугите негови го симнаа од колата, го качија во друга негова кола и го одведоа во Ерусалим. И тој умре; и беше погребан во гробницата на своите предци. Цела Јудеја и Еруса­лим го оплакаа Јошија.

²⁵ⓜЈошија беше оплакан и од Еремија во плачевна песна; него го споменуваа сите пеачи и пејачки во тажачките песни свои, познати и до денес, кои ги предадоа во обичај во Израел; ете, тие се напишани во Книгата на тажачките песни.

²⁶Другите дела на Јошија и добрините негови, согласни со заповеданото во законот Господов,

²⁷и неговите дела, први и последни, се опишани во книгата за царевите изра­елски и јудејски.