2 Летописи 9:1-31 MKDB2006 - Bible AI

¹ⓓСавската царица, кога чу за славата Соломонова, дојде во Ерусалим да го испита Соломон со гатанки; дојде со многу големо богатство и камили, натоварени со благопријатни мириси, многу злато и скапоцени камења. Дојде кај Соломон и говореше со него сѐ што ѝ беше на срце.

²Соломон ѝ ги објасни сите нејзини зборови, и не се најде ништо непознато за Соломон, што не можеше да ѝ го об­јасни.

³ⓔЦарицата од Сава, откако ја виде мудроста на Соломон и домот, што тој го беше изградил,

⁴и јадењата на трпезата негова, и жи­веалиштата на слугите негови, состојбата на прислужниците негови и облеката нивна, пехарниците и обле­ката нивна, и одот, со кој тој влегуваше во домот Гос­подов, — остана без здив!

⁵Тогаш таа му рече на царот: „Висти­на е она што го бев слушала за твоите дела и за твојата мудрост;

⁶но јас не верував на нивните зборови сѐ додека не дојдов и не видов со очите свои. И еве, ни половината не ми е ка­жано за твојата голема мудрост: ти ја надминуваш приказната, што сум ја чула.

⁷Блажени се твоите луѓе, блажени се тие твои слуги, кои секогаш стојат пред тебе и ја слушаат мудроста твоја!

⁸ⓕНека е благословен Господ, твојот Бог, Кој благоволи да те постави на Својот престол за цар пред Господ, твојот Бог. Поради љубовта на твојот Бог кон Израел, за да го зацврсти засекогаш, Тој те постави за цар над него, — да делиш суд и правда.“

⁹Потоа таа му подари на царот сто и дваесет кикари злато и големо множе­ство благопријатни мириси и скапоцени камења: немаше нигде такви мириси, какви што савската царица му подари на Соломон.

¹⁰Но и слугите Хирамови и слугите Соломонови, кои го донесоа златото од Офир, донесоа и црвено дрво и скапо­цени камења.

¹¹Царот од тоа црвено дрво направи скали за домот Господов и за царскиот дом, и лири и харфи за пејачите. Такво нешто не беше видено пред тоа во земјата јудејска.

¹²А царот Соломон ѝ даде на царицата од Сава, сѐ што посака и побара, освен такви работи, какви што таа му беше донела. Потоа таа се врати во својата земја со слугите свои.

¹³Златото, што му доаѓаше на Соло­мон во текот на една година, по мерка изнесуваше шестотини и шеесет кика­ри.

¹⁴ⓖОсвен тоа, донесуваа уште и пода­ници и трговци, и сите цареви арапски и обласни началници му донесуваа зла­то и сребро на Соломон.

¹⁵И направи царот Соломон двесте големи штита од ковано злато — по шес­тотини шекели злато за секој штит, —

¹⁶ⓗи триста помали штита од ковано злато — по триста шекели злато за секој штит; и царот ги постави во домот од леванонско дрво.

¹⁷ⓘЦарот направи и голем престол од слонова коска, и го обложи со чисто злато,

¹⁸и шест скалила до престолот и златно подножје, изградено заедно со престолот, и потпирки од двете страни на седиштето, и два лава, што стојат до потпирките.

¹⁹И уште дванаесет лава што стоеја таму од двете страни на шесте скалила. Таков престол немаше во ниедно цар­ство.

²⁰Сите садови од кои пиеше царот Соломон беа од злато, и сите садови во домот од леванонско дрво беа од чисто злато; од сребро немаше ништо, зашто среброто во Соломоно­вото време не се ценеше многу.

²¹Царските кораби одеа во Тарсис со слугите Хирамови и секои три години корабите се враќаа од Тарсис, па донесуваа злато и сребро, слонова коска, мајмуни и пауни.

²²ⓙТака царот Соломон ги надмина сите земни цареви по богатство и по мудрост.

²³Сите земни цареви сакаа да го видат Соломон, за да ја слушнат муд­роста негова, која Бог ја беше внел во срцето негово.

²⁴ⓚИ секој од нив донесуваше со себе дар: сребрени садови и златни садови, облека, оружја, благопријатни мири­си, коњи и маски — секоја година.

²⁵ⓛСоломон имаше четири илјади стаи за коњи и коли и дванаесет илјади коњаници; ги беше населил по градови­те со бојни коли и кај себе — во Еруса­лим.

²⁶ⓜВладееше над сите цареви — од реката Еуфрат до филистејската земја и до египетските предели.

²⁷Царот направи и златото и среброто во Ерусалим да бидат еднакво вредни со обичните камења, а кедри­те, по­ради нивното множество, ги направи еднакво вредни со смоквите по полињата.

²⁸Коњи Соломон увезуваше од Еги­пет и од сите земји.

²⁹ⓝДругите дела Соломонови, први и последни, опишани се во записите на пророкот Натан и пророштвото на Силомецот Ахија и во виденијата на јасновидецот Једо за Јеровоам, Нава­товиот син.

³⁰Соломон царуваше во Ерусалим над сиот Израел четириесет години.

³¹ⓞПочина Соломон кај своите предци, и го погребаа во градот на татко му Давид. А место него стана цар синот негов Ровоам.