2 Царевите 21:1-26 MKDB2006 - Bible AI

¹Манасија беше на дванаесет години, кога стана цар, и царуваше во Ерусалим педесет и пет години; мајка му се викаше Хефци-Вах.

²ⓒНо тој правеше зло пред очите на Господ, подражавајќи ги лошите работи на оние народи, кои Господ ги беше изгонил од пред лицето на Израеловите синови.

³ⓓТој одново ги подигна идолските светилишта што татко му Езекија ги беше уништил, му подигна жртвеници на Ваал и направи идолско светилиште, како што направи израелскиот цар Ахав; и се поклонуваше на сета небесна војска и ѝ служеше;

⁴а изгради жртвеници и во домот Господов, за кого Господ беше рекол: „Во Ерусалим ќе го поставам името Свое.“

⁵ⓔТој изгради и жртвеници за сета небеска војска во двата двора на домот Господов;

⁶ⓕго пренесе преку оган синот свој, гаташе и врачаше; си набави извикувачи на мртви и маѓесници и изврши многу неугодни работи пред очите на Господ за да Го разгневи.

⁷Направи и статуа на божицата Ашера и ја постави во домот, за кој Господ му беше говорел на Давид и на синот негов Соломон: во овој дом и во Ерусалим што Јас го избрав меѓу сите израелски племиња, го ставам името Свое засекогаш:

⁸и во иднина нема да ја оставам ногата на Израел да излезе од земјата што сум им ја дал на предците нивни, ако тие се потрудат да постапуваат според сѐ она што сум заповедал, и според целиот закон што им го даде Мојот слуга Мојсеј.

⁹Но тие не послушаа; и Манасија ги разврати дотаму што тие постапуваа полошо и од оние народи, кои Господ ги беше истребил пред лицето на Израе­ловите синови.

¹⁰И говореше Господ преку Своите слуги — пророците, и рече:

¹¹„Поради тоа што јудејскиот цар Манасија ги изврши тие лоши дела, полоши од сѐ она што го вршеа Амо­рејците, кои беа пред него, и го наведе Јуда во грев со своите идоли,

¹²ⓖзатоа Господ вели вака: Еве, врз Ерусалим и врз Јудеја ќе испратам такво зло, што кој ќе чуе за него, ќе му писнат и двете уши;

¹³и ќе го оптегнам над Ерусалим јажето мерник на Самарија и мерката на Ахавовиот дом, и ќе го избришам Ерусалим така, како што се брише сад, — го бришат и го затвораат;

¹⁴ⓗќе го оставам остатокот од Моето наследство и ќе го предадам во рацете на непријателите нивни, и тие ќе бидат разграбени и пленети од сите свои непријатели,

¹⁵поради тоа што го правеа она што беше неугодно пред очите Мои и Ме разгневуваа од оној ден, во кој предците нивни излегоа од Египет, дури до денес.“

¹⁶А притоа Манасија пролеа премногу невина крв, та го наполни со неа Ерусалим докрај, освен својот грев со што го вовлече Јуда во грев да не прави угодни дела пред очите на Господ.

¹⁷Другото за Манасија и за сѐ што тој извршил, и за гревовите негови, со кои згрешил, е опишано во летописите на јудејските цареви.

¹⁸И почина Манасија кај своите предци, и беше погребан во градината на неговиот дворец, во градината нарекувана Оза. На негово место се зацари неговиот син Амон.

¹⁹Амон беше на дваесет и две години, кога стана цар, и царуваше во Ерусалим две години; мајка му се викаше Мешу­лемет, ќерка на Харуц, од Јодба.

²⁰И тој го правеше, она што не беше угодно пред очите на Господ, така, како што го правеше тоа татко му Манасија;

²¹одеше токму по истиот пат, по кој одеше татко му; им служеше на идо­лите, на кои им служеше татко му, и им се поклонуваше.

²²Тој Го остави Господ, Бог на него­вите предци, и не одеше по патот Господов.

²³Амоновите слуги се побунија против него и го убија царот во неговиот дом.

²⁴Но народот на земјата ги уби сите заговорници против царот Амон; и на­родот на земјата го постави за цар на негово место синот негов Јошија.

²⁵Другите дела на Амон што ги из­вршил тој, се опишани во лето­писите на јудејските цареви.

²⁶И го погребаа во гробницата негова, во градината наречена Оза. На негово место се зацари син му Јошија.