Дуулал 127:1-5 MNAB2004 - Bible AI

¹Соломоны өгсөх дуу. ЭЗЭН гэрийг барьж байгуулахаас наашТүүнийг байгуулагчид дэмий хөдөлмөрлөдөг юм. ЭЗЭН хотыг хамгаалахаас наашМанаач хүн дэмий л сэрүүн байдаг юм.

²Та нарын хувьд эрт босон, Орой болтол унтахгүй байж, Зүтгэж олсон талхыг идэх нь дэмий хоосон юм. Учир нь Тэр Өөрийн хайрладаг хүндээ нойрыг өгдөг билээ.

³Харагтун, үр хүүхэд бол ЭЗЭНээс ирдэг бэлэг, Умайн үр жимс бол шагнал юм.

⁴Дайчны гарт буй сумтай адилЗалуу хүний үр хүүхдүүд тийм байдаг билээ.

⁵Тэднээр саадгаа дүүргэсэн хүн юутай ерөөлтэй вэ!Тэд дааман хаалган дээр дайснуудтайгаа ярилцах үедээИчгүүрт орохгүй.