Дуулал 63:1-11 MNAB2004 - Bible AI

¹Давидын дуулал. Түүнийг Иудагийн цөлд байх үед. Бурхан, Та бол миний Бурхан. Би Таныг чин сэтгэлээс хайх болой. Усгүй, хуурай, ангамал газартСэтгэл минь Танаар цангаж, махан бие минь Таныг хүсэн хүлээдэг.

²Тиймээс би Таны хүч чадал, Таны сүр жавхланг харахаарТаныг ариун газарт ажигласан.

³Таны хайр энэрэл аминаас дээр учирУруул минь Таныг магтана.

⁴Ийнхүү би амьд байх хугацаандаа Таныг магтана. Би Таны нэр дээр гараа өргөх болно.

⁵Чөмөг, өөх идсэн юм шиг сэтгэл минь цадсан бөгөөдАм минь баясгалант уруулаар магтаалуудыг өргөдөг.

⁶Би орондоо Таныг дурсан санахдааШөнөжин Таны тухай тунгаан боддог.

⁷Учир нь Та миний тусламж байсаар ирсэн юм. Таны жигүүрийн дор би баясгалантайгаар дуулдаг.

⁸Сэтгэл минь Танаас зуурдаг. Таны баруун мутар намайг түшдэг.

⁹Харин миний амийг устгахаар эрэн хайгчидГазрын гүн уруу орох болно.

¹⁰Тэд илдэнд тушаагдана. Тэд цөөвөр чононуудын хоол болно.

¹¹Харин хаан Бурханы дотор баясна. Түүгээр тангараглагчид бүгд бахархан бахдана. Учир нь худал яригчдын амнууд таглагдсан байна.