AmaHubo 87:1-7 NDEOCB2024 - Bible AI

1Usakhile isisekelo sakhe entabeni engcwele;

2uThixo uyawathanda amasango eZiyoni okudlula yonke imizi kaJakhobe.

3Izinto ezinhle okumangalisayo ziyatshiwo ngawe, we muzi kaNkulunkulu:

4“Ngizabalisa uRahabi leBhabhiloni phakathi kwalabo abathi bayangazi iFilistiya leThire, kanye leKhushi ngibe sengisithi, ‘Lo wazalelwa eZiyoni.’ ”

5Ngempela kuzathiwa ngeZiyoni, “Lo laloyana bazalelwa khona, kuthi yena oPhezukonke uzaliqinisa.”

6UThixo uzaloba eluhlwini lwamabizo abantu: “Lo wazalelwa eZiyoni.”

7Bazakuthi betshaya amachacho bahlabele bathi, “Yonke imithombo yami ikuwe.”

Biblica® Open Ndebele Contemporary Bible™ Copyright © 2003, 2006, 2022 by Biblica, Inc. Licensed under CC BY-SA 4.0.
div>