Luka 3:1-38 NYCCL2016 - Bible AI

¹Mʼchaka cha 15 mu ulamuliro wa Tiberiyo Kaisara, Pontiyo Pilato ali bwanamkubwa wa Yudeya, Herode ankalamulira ku Galileya, mʼbale wake Filipo ankalamulira ku Iturea ndi ku dera la Trakoniti, ndipo Lusaniyo ankalamulira ku Abilene.

²Inalinso nthawi ya mkulu wa ansembe wa Anasi ndi Kayafa, pamene mawu a Mulungu anabwera kwa Yohane mwana wa Zakariya mʼchipululu.

³Iye anapita ku dziko lonse lozungulira mtsinje wa Yorodani, nalalikira ubatizo wa kulapa ndi kukhululukidwa kwa machimo.

⁴Monga analembera mʼbuku la Yesaya mneneri kuti:

⁴“Mawu a wofuwula mʼchipululu, konzani njira ya Ambuye, wongolani njira zake.

⁵Chigwa chilichonse chidzadzazidwa ndipo phiri lililonse ndi mtunda uliwonse zidzasalazidwa, misewu yokhotakhota idzawongoledwa, ndi njira zosasalala zidzasalazidwa.

⁶Ndipo anthu onse adzaona chipulumutso cha Mulungu.”

⁷Yohane anati kwa magulu a anthu amene amabwera kudzabatizidwa ndi iye, “Ana anjoka inu! Anakuchenjezani ndani kuti muthawe mkwiyo umene ukubwera?

⁸Onetsani zipatso zakutembenuka mtima, ndipo musamanene mwa inu nokha kuti, ‘Tili nalo kholo lathu Abrahamu,’ pakuti ndikuwuzani kuti kuchokera ku miyala iyi, Mulungu akhoza kumuwutsira Abrahamuyo ana.

⁹Nkhwangwa ili kale pa muzu wamitengo, ndipo mtengo uliwonse umene subala chipatso chabwino udzadulidwa ndi kuponyedwa pa moto.”

¹⁰Gulu la anthuwo linafunsa kuti, “Nanga tsono tichite chiyani?”

¹¹Yohane anayankha kuti, “Munthu amene ali ndi malaya awiri apatseko amene alibe, ndi amene ali ndi chakudya achitenso chimodzimodzi.”

¹²Amisonkho nawonso anabwera kudzabatizidwa. Iwo anafunsa kuti, “Aphunzitsi, ife tichite chiyani?”

¹³Iye anawawuza kuti, “Musalandire moposa zimene muyenera.”

¹⁴Kenaka asilikali ena anamufunsa kuti, “Nanga ife tichite chiyani?”

¹⁴Iye anayankha kuti, “Musamalande ndalama moopseza ndipo musamanamizire anthu, khutitsidwani ndi malipiro anu.”

¹⁵Anthu ankadikira ndi chiyembekezo ndipo ankasinkhasinkha mʼmitima mwawo kuti mwina Yohane nʼkukhala Khristu.

¹⁶Yohane anayankha onse kuti, “Ine ndikubatizani ndi madzi. Koma wina wondiposa ine mphamvu adzabwera amene sindili woyenera kumasula lamba wa nsapato zake. Iyeyu adzakubatizani inu ndi Mzimu Woyera ndi moto.

¹⁷Mʼdzanja lake muli chopetera kuti ayeretse powomberapo tirigu ndi kusonkhanitsa tirigu ndipo adzatentha zotsalira zonse ndi moto wosazimitsika.”

¹⁸Ndipo ndi mawu ena ambiri, Yohane anawachenjeza anthu ndi kuwalalikira Uthenga Wabwino.

¹⁹Koma pamene Yohane anadzudzula Herode wolamulirayo chifukwa chokwatira Herodia, mkazi wa mʼbale wake, ndi zoyipa zina zonse anazichita,

²⁰Herode anawonjezanso choyipa ichi pa zonsezo: Anatsekera Yohane mʼndende.

²¹Pamene anthu onse ankabatizidwa, Yesu anabatizidwanso. Ndipo akupemphera, kumwamba kunatsekuka.

²²Mzimu Woyera anatsika pa Iye mumaonekedwe a nkhunda ndipo mawu anamveka kuchokera kumwamba: “Iwe ndiwe Mwana wanga wokondedwa; ndimakondwera nawe.”

²³Ndipo Yesu anali ndi zaka makumi atatu pamene anayamba ntchito yake. Monga mmene anthu ankaganizira, Iyeyo anali mwana wa Yosefe, mwana wa Heli,

²⁴mwana wa Matate, mwana wa Yaneyi, mwana wa Yosefe

²⁴mwana wa Levi, mwana wa Meliki,

²⁵mwana wa Matati, mwana wa Amosi, mwana wa Nagai,

²⁵mwana wa Naomi, mwana wa Esli,

²⁶mwana wa Maati, mwana wa Yosefe, mwana wa Yoda

²⁶mwana wa Matatiyo, mwana wa Simeoni,

²⁷mwana wa Yohanani, mwana wa Resa, mwana wa Neri,

²⁷mwana wa Zerubabeli, mwana wa Salatieli,

²⁸mwana wa Meliki, mwana wa Elmadama, mwana wa Ere,

²⁸mwana wa Adi, mwana wa Kosamu,

²⁹mwana wa Jose, mwana wa Eliezara, mwana wa Levi,

²⁹mwana wa Yorimu, mwana wa Matati,

³⁰mwana wa Simeoni, mwana wa Yonamu, mwana wa Eliakimu,

³⁰mwana wa Yuda, mwana wa Yosefe,

³¹mwana wa Meleya, mwana wa Mena, mwana wa Davide,

³¹mwana wa Matata, mwana wa Natani,

³²mwana wa Yese, mwana wa Salimoni, mwana wa Naasoni,

³²mwana wa Obedi, mwana wa Bowazi,

³³mwana wa Aminadabu, mwana wa Arni, mwana wa Yuda,

³³mwana wa Hezronu, mwana wa Perezi,

³⁴mwana wa Yakobo, mwana wa Tera, mwana wa Nakoro,

³⁴mwana wa Isake, mwana wa Abrahamu,

³⁵mwana wa Serugi, mwana wa Reu, mwana wa Sela,

³⁵mwana wa Pelegi, mwana wa Eberi,

³⁶mwana wa Kainane, mwana wa Nowa, mwana wa Lameki,

³⁶mwana wa Arfaksadi, mwana wa Semu,

³⁷mwana wa Metusela, mwana wa Enoki, mwana wa Kainane,

³⁷mwana wa Yaredi mwana wa Malaleeli,

³⁸mwana wa Enosi, mwana wa Adamu, mwana wa Mulungu.

³⁸mwana wa Seti,