Masalimo 72:1-20 NYCCL2016 - Bible AI

¹Salimo la Solomoni. Patsani mwana wa mfumu nzeru zanu zoweruzira mwa chilungamo, Inu Mulungu mupatseni mwana wa mfumu chilungamo chanu.

²Iye adzaweruza anthu anu mwachilungamo, anthu anu ozunzika mosakondera.

³Mapiri adzabweretsa chuma kwa anthu anu, timapiri tidzabweretsa zipatso zachilungamo.

⁴Iye adzateteza ozunzika pakati pa anthu ndi kupulumutsa ana a anthu osowa; adzaphwanya ozunza anzawo.

⁴

⁵Adzakhala ndi moyo pa mibado yonse, nthawi zonse pamene dzuwa ndi mwezi zikuwala.

⁶Iye adzakhala kugwa kwa mvula pa minda yolimidwa ngati mivumbi yothirira dziko lapansi.

⁷Mʼmasiku a munthu wolungama adzakhazikika; chuma chidzachuluka mpaka mwezi utaleka kuwala.

⁷

⁸Iye adzalamulira kuchokera ku nyanja ina mpaka ku nyanja ina ndiponso kuchokera ku mtsinje mpaka ku malekezero a dziko lapansi.

⁹Mafuko a mʼchipululu adzawerama pamaso pake ndipo adani ake adzanyambita fumbi.

¹⁰Mafumu a ku Tarisisi ndi a ku zilumba zakutali adzabweretsa mitulo kwa iye, mafumu a ku Seba ndi Seba adzapereka mphatso kwa iyeyo.

¹¹Mafumu onse adzamuweramira ndipo mitundu yonse idzamutumikira.

¹¹

¹²Pakuti iye adzawombola wosowa amene akulira, wozunzika amene alibe wina womuthandiza.

¹³Iye adzachitira chifundo anthu ofowoka ndi anthu osowa ndi kupulumutsa osowa ku imfa.

¹⁴Iye adzalanditsa iwo ku mazunzo ndi chiwawa pakuti magazi awo ndi amtengo wapatali pamaso pake.

¹⁴

¹⁵Iye akhale ndi moyo wautali; golide ochokera ku Seba apatsidwe kwa iye. Anthu amupempherere nthawi zonse ndi kumudalitsa tsiku lonse.

¹⁶Mulole kuti tirigu achuluke mʼdziko lonse; pamwamba pa mapiri pakhale tirigu. Zipatso zake zichuluke ngati za ku Lebanoni; zichuluke ngati udzu wakuthengo

¹⁷Dzina lake likhazikike kwamuyaya, lipitirire kukhala monga momwe limakhalira dzuwa.

¹⁷Mitundu yonse idzadalitsika kudzera mwa iye ndipo iwo adzamutcha iye wodala.

¹⁸Matamando akhale kwa Yehova Mulungu, Mulungu wa Israeli amene Iye yekha amachita ntchito zodabwitsa.

¹⁹Matamando akhale ku dzina lake laulemerero kwamuyaya dziko lonse lapansi lidzaze ndi ulemerero wake. Ameni ndi Ameni.

¹⁹

²⁰Uku ndiko kumaliza kwa mapemphero a Davide mwana wa Yese.