Masalimo 73:1-28 NYCCL2016 - Bible AI

¹Salimo la Asafu. Mulungu ndi wabwino ndithu kwa Israeli, kwa iwo amene ndi oyera mtima.

²Koma kunena za ine, mapazi anga anali pafupi kuterereka; ndinatsala pangʼono kugwa.

³Pakuti ndinkachitira nsanje odzitamandira, pamene ndinaona mtendere wa anthu oyipa.

³

⁴Iwo alibe zosautsa; matupi awo ndi athanzi ndi amphamvu.

⁵Saona mavuto monga anthu ena; sazunzika ngati anthu ena onse.

⁶Nʼchifukwa chake kunyada kuli monga mkanda wa mʼkhosi mwawo; amadziveka chiwawa.

⁷Mʼmitima yawo yokhota mumachokera zolakwa; zoyipa zochokera mʼmaganizo awo sizidziwa malire.

⁸Iwowo amanyogodola ndi kumayankhula zoyipa; mwa kudzikuza kwawo amaopseza ena nʼkumati, “Tikuponderezani.”

⁹Pakamwa pawo pamayankhula monyoza Mulungu kumwamba ndipo lilime lawo limayenda pa dziko lapansi.

¹⁰Nʼchifukwa chake anthu awo amapita kwa iwowo ndi kumwa madzi mochuluka.

¹¹Iwo amati, “Kodi Mulungu angadziwe bwanji? Kodi Wammwambamwamba angadziwe kalikonse?”

¹¹

¹²Umu ndi mmene oyipa alili; nthawi zonse ali pabwino ndipo chuma chawo chimachulukirachulukira.

¹²

¹³Ndithudi ine ndawusunga pachabe mtima wanga woyera; pachabe ndasamba mʼmanja mwanga mwa kusalakwa kwanga.

¹⁴Tsiku lonse ndapeza mavuto; ndakhala ndi kulangidwa mmawa uliwonse.

¹⁴

¹⁵Ndikanati, “Ndidzayankhula motere,” ndikanachita chosakhulupirika kwa ana anu.

¹⁶Pamene ndinayesa kuti ndimvetse zonsezi, zinandisautsa kwambiri

¹⁷kufikira nditalowa mʼmalo opatulika a Mulungu; pamenepo ndinamvetsa mathero awo.

¹⁷

¹⁸Zoonadi Inu munawayika pa malo woterera; Mumawagwetsa pansi kuti awonongeke.

¹⁹Mwamsangamsanga iwo amawonongedwa, amasesedwa kwathunthu ndi mantha!

²⁰Monga loto pamene wina adzuka, kotero pamene Inu muuka, Inu Ambuye, mudzawanyoza ngati maloto chabe.

²⁰

²¹Pamene mtima wanga unasautsidwa ndi kuwawidwa mu mzimu mwanga,

²²ndinali wopusa ndi wosadziwa; ndinali chirombo chopanda nzeru pamaso panu.

²²

²³Komabe ineyo ndili ndi Inu nthawi zonse; mumandigwira dzanja langa lamanja.

²⁴Inu mumanditsogolera ndi malangizo anu ndipo pambuyo pake mudzanditenga ku ulemerero.

²⁵Kodi kumwamba ndili ndi yani kupatula Inu? Ndipo dziko lapansi lilibe chilichonse chimene ndimachilakalaka koposa Inuyo.

²⁶Thupi ndi mtima wanga zitha kufowoka, koma Mulungu ndiye mphamvu ya mtima wanga ndi cholandira changa kwamuyaya.

²⁶

²⁷Iwo amene ali kutali ndi Inu adzawonongeka; Inu mumawononga onse osakhulupirika pamaso panu.

²⁸Koma kunena za Ine ndi kwabwino kukhala pafupi ndi Mulungu. Ndatsimikiza kuti Ambuye Yehova ndiwo pothawirapo panga ndipo ndidzalalika ntchito zanu zonse.