Masalimo 76:1-12 NYCCL2016 - Bible AI

¹Kwa mtsogoleri wa mayimbidwe. Pa zoyimbira za zingwe. Salimo la Asafu. Mulungu amadziwika mu Yuda; dzina lake ndi lotchuka mu Israeli.

²Tenti yake ili mu Salemu, malo ake okhalamo mu Ziyoni.

³Kumeneko Iye anathyola mivi yowuluka, zishango ndi malupanga, zida zankhondo.

³Sela

⁴Wolemekezeka ndinu, wamphamvu kuposa mapiri amene ali ndi nyama zambiri.

⁵Anthu owuma mtima amagona atalandidwa chuma, Iwowo amagona tulo tawo totsiriza; palibe mmodzi wamphamvu amene angatukule manja ake.

⁶Pa kudzudzula kwanu, Inu Mulungu wa Yakobo, kavalo pamodzi ndi galeta zimakhala chete zitagona pansi.

⁷Inu nokha ndiye muyenera kuopedwa. Angathe kuyima pamaso panu ndani mukakwiya?

⁸Kuchokera kumwamba Inu munalengeza chiweruzo, ndipo dziko linaopa ndi kukhala chete,

⁹pamene Inu Mulungu munadzuka kuti muweruze, kupulumutsa onse osautsidwa mʼdziko.

⁹Sela

¹⁰Zoonadi, ukali wanu pa anthu umakubweretserani matamando ndipo opulumuka ku ukali wanu mumawasunga pafupi nanu.

¹⁰

¹¹Chitani malumbiro kwa Yehova Mulungu wanu ndipo muwakwaniritse; anthu onse omuzungulira abweretse mphatso kwa Iye amene ayenera kuopedwa.

¹²Iye amaswa mzimu wa olamulira; amaopedwa ndi mafumu a dziko lapansi.