Masalimo 81:1-16 NYCCL2016 - Bible AI

¹Kwa mtsogoleri wa mayimbidwe. Potsata mayimbidwe a gititi. Salimo la Asafu. Imbani mwachimwemwe kwa Mulungu mphamvu yathu; Fuwulani mokweza kwa Mulungu wa Yakobo!

²Yambani nyimbo, imbani tambolini imbani pangwe wolira bwino ndi zeze.

²

³Imbani lipenga la nyanga ya nkhosa yayimuna pa mwezi watsopano, ndi pamene mwezi waoneka wonse, pa tsiku la phwando;

⁴ili ndi lamulo kwa Israeli, langizo la Mulungu wa Yakobo.

⁵Iye anapereka lamulolo kwa zidzukulu za Yosefe pamene anatuluka kulimbana ndi Igupto, kumene tinamva chiyankhulo chimene sitinachidziwe.

⁵

⁶Iye akunena kuti, “Ine ndinachotsa zolemetsa pa mapewa awo; Manja awo anamasulidwa mʼdengu.

⁷Pa mavuto anu munayitana ndipo ndinakulanditsani, ndinakuyankhani kuchokera mʼmitambo ya mabingu; ndinakuyesani pa madzi a ku Meriba.

⁷Sela

⁸“Imvani anthu anga, ndipo ndidzakuchenjezani ngati mungathe kumvetsera, Inu Israeli!

⁹Musadzakhale ndi mulungu wachilendo pakati panu; musadzagwadire mulungu wina.

¹⁰Ine ndine Yehova Mulungu wanu, amene ndinakutulutsani mʼdziko la Igupto. Yasamani kukamwa kwanu ndipo ndidzakudyetsani.

¹⁰

¹¹“Koma anthu anga sanandimvere; Israeli sanandigonjere.

¹²Kotero ndinawasiya ndi mitima yawo yosamverayo kuti atsate zimene ankafuna.

¹²

¹³“Anthu anga akanangondimvera, Israeli akanatsatira njira zanga,

¹⁴nʼkanafulumira motani kuti ndigonjetse adani awo ndi kutembenuza mkono wanga kulimbana ndi amaliwongo!

¹⁵Iwo amene amadana ndi Yehova akanakhwinyata pamaso pake, ndipo chilango chawo chinakakhala mpaka kalekale.

¹⁶Koma inu mukanadyetsedwa tirigu wabwino kwambiri; ndikanakukhutitsani ndi uchi wochokera pa thanthwe.”