2 GARA WARRA QORONTOS 6:1-18 GAZB1997 - Bible AI

¹Egaa nuyi warri Waaqayyoo wajjin hojjennu, ayyaana Waaqayyoo akka waan waa'ee hin baafnetti akka hin fudhanne cimsinee isin in gorsina*.

²Waaqayyo, ?Yeroo ana biratti jaallatamee fudhatametti siif dhaga'eera; guyyaa fayyinaattis si gargaareera? jedha. Kunoo, yeroon jaallatamee fudhatame amma; kunoo, guyyaan fayyinaa amma*!

³Ergaan keenya maqaa gadhee akka hin arganneef nama tokko iyyuu matumaa hin gufachiifnu.

⁴Haa ta'u iyyuu malee, nuyi karaa hundumaan akka hojjetoota Waaqayyootti of in dhi'eessina. Hojjetoota Waaqayyoo ta'uu keenyas argisiisuudhaaf baay'ee in obsina, in rakkanna, gidiraatti, muddamattis in galla*;

⁵in reebamna, in hidhamna, gooliin nutti kaafama, hojiitti in dadhabna, hirriba in dhabna, in soomna*.

⁶Garaa qulqulluudhaan beekumsaanis in hojjenna, waliif in dandeenya, gaarummaadhaan in jiraanna, hafuura qulqulluutiin in geggeeffamna, jaalala amanamaa in argisiifna*.

⁷Dubbii isa dhugaadhaan, humna Waaqayyootiinis in hojjenna, qajeelina akka mi'a waraanaatti [ittiin hojjechuudhaaf] harka mirgaa fi harka bitaatti in qabanna*;

⁸ulfinaan salphinaanis, maqaa-baduudhaan, maqaa-toluudhaanis, akka gowwoomsituutti ilaalamuudhaan, dhugaa qabaachuudhaanis in deddeebina*.

⁹Utuma beekamnee jirruu akka warra hin beekaminii taane; akka warra du'aniitti in lakkaa'amna, nuyi garuu kunoo in jiraanna! Akka warra adabamanii taane, garuu hin ajjeefamne*.

¹⁰Akka warra gaddaniitti in ilaalamna, garuu nuyi yeroo hundumaa in gammanna; akka warra deeganiitti in lakkaa'amna, garuu namoota baay'ee in sooromsina; akka warra homaa hin qabnetti in ilaalamna, garuu waan hundumaa qabna*.[24]

¹¹Yaa warra Qorontos, nuyi afaan guunnee isinitti dubbanne, garaan keenyas isiniif bal'aa dha.

¹²Isintu garaa nutti dhiphate malee, nuyi garaa isinitti hin dhiphanne.

¹³Akkuma nuyi garaa isinitti bal'anne isinis immoo garaa nutti bal'adhaa! jedheen akka ijoollee kootiitti isinitti dubbadha*.[25]

¹⁴Warra hin amannee wajjin walitti hin hidhatinaa! Qajeelinnii fi jal'inni maal walitti qabu? Ifnii fi dukkanni tokkummaa maalii qabu ree*?

¹⁵Kristosii fi Seexanni[26] attamitti walii galu ree? Inni amane isa hin amanne biraa qooda maalii qaba ree*?

¹⁶Manni qulqullummaa Waaqayyoo immoo waaqayyolii tolfamanii wajjin walii galtee maalii qabu? Waaqayyo jiraataa dha, nuyis mana qulqullummaa isaa ti; Waaqayyo ofii isaatii,

¹⁶?Ani isaan bira nan buufadha, isaan gidduus nan deddeebi'a; ani Waaqayyo isaanii nan ta'a, isaanis saba koo in ta'u? jedheera*.

¹⁷Iddoo biraattis immoo, ?Isaan keessaa adeemaa, ittii gargar ba'aas; wanta xuraa'aa harkaan hin qabinaa! Anis isinan simadha, jedha gooftaan*.?

¹⁸Akkasumas immoo, ? ?Ani abbaa isiniif nan ta'a, isinis ilmaan koo intaloota koos in taatu? jedha gooftaan inni hundumaa danda'u? jedhameera*.[27][28]