GARA IBROOTAA 10:1-39 GAZB1997 - Bible AI

¹Seerichi garuu gaadidduu wanta gaggaarii dhufuuf jiran sanaa ti malee, bifa dhugaa isa isaan ittiin mul'atan miti; inni karaa aarsaa waggaa waggaadhaan utuu gargar hin citin dhi'eeffaman sanaa, warra dhi'aatan fiixaan kan ba'an gochuu matumaa hin dandeenye*.

²Warri Waaqayyoof sagadan yeroo hundumaaf akka ta'utti, al tokkicha dhuguma cubbuu isaaniittii utuu qulleeffamaniiru ta'ee, cubbuun isaanii yaada garaa isaaniitti waan hin dhaga'amneef, aarsaa dhi'eessuun in hafa ture mitii ree?

³Amma garuu aarsaa waggaa waggaatti dhi'aataniin namoonni cubbuu isaanii in yaadatu*.

⁴Dhiigni korommii fi re'ootaa cubbuu namootaa irraa fuudhuu matumaa hin danda'u*.[39]

⁵Kanaaf Kristos gara biyya lafaa yommuu dhufe, ?Ati aarsaa, kennaas hin jaallanne, garuu dhagna abboomamuu anaaf qopheessiteetta.

⁶Ati kennaa qalmaa isa gubamutti, aarsaa sababii cubbuutiif dhi'aatuttis hin gammanne;

⁷kanaaf ani immoo, ?Macaafa maramu keessatti waa'ee kootiif akkuma caafamee jiru, yaa Waaqayyo, kunoo, ani jaalala kee raawwachuudhaaf dhufeera? nan jedhe? jedhee dubbate*.[40]

⁸Utuma isaan kun akka seerichi abboomutti dhi'aatanii iyyuu, kana gara irraatti, ?Ati aarsaa, kennaas, kennaa qalmaa isa gubamu, aarsaa sababii cubbuutiif dhi'aatus hin jaallanne, ittis hin gammanne? jechuu isaa argineerra.

⁹Itti dabalees immoo, ?Kunoo ani jaalala kee raawwachuudhaaf dhufeera? jedheera; kanaanis aarsaa isa lammaffaa iddoo buusuudhaaf, isa duraa iddoodhaa fuudhe*.

¹⁰Akka jaalala Waaqayyoo sanatti, dhagni Yesus Kristos yeroo hundumaaf akka ta'utti, al tokkicha aarsaa ta'ee dhi'eeffamuudhaan nuyi Waaqayyoof qulqulleeffamneerra*.[41]

¹¹Lubni guyyaa guyyaan dhaabatee, hojii lubummaa isaa in hojjeta; aarsaa isa cubbuu namoota irraa fuudhuu matumaa hin dandeenye sanas deddeebi'ee in dhi'eessa*.

¹²Kristos garuu al tokko aarsaa dhi'eessee, bara baraan gara mirga Waaqayyoo taa'e*.

¹³Achi taa'ee diinonni isaa ejjeta miilla isaa hamma godhamanitti in eeggata*.

¹⁴Al tokkicha aarsaa dhi'eessuudhaan, warri Waaqayyoof qulqulleeffaman yeroo hundumaaf akka fiixaan ba'an godheera.[42]

¹⁵Hafuurri qulqulluunis immoo waa'ee kanaa dhugaa nuuf ba'a.

¹⁶Inni duraan dursee,

¹⁶?Guyyoonni sun yeroo ga'an, kakuu ani isaaniif kakadhu, ?Seera koo garaa isaanii keessa nan kaa'a, yaada isaanii keessattis isa nan caafa isa jedhuu dha? jedha gooftichi? jedhee dhugaa ba'eef*.

¹⁷Itti dabalees, ?Waaqayyo, ?Ani cubbuu isaanii, jal'ina isaaniis deebi'ee hin yaadadhu? jedheera? jedhe*.

¹⁸Isaan kanaaf dhiifamuun erga argamee immoo, aarsaan sababii cubbuutiif dhi'aatu in hafa.[43]

¹⁹Egaa yaa obboloota ko! Yesus dhiiga isaa nuuf dhangalaasuu isaatiin gara iddoo isa hundumaa irra caalaa qulqulluutti galuudhaaf ija jabina qabna*.

²⁰Inni foon isaatiin karaa haaraa, karaa yeroo hundumaa jiraatu golgaa sana keessa nuuf bane*.

²¹Lubicha guddicha isa manni Waaqayyoo itti kenname qabna*.

²²Kanaafis nuyi warra yaadni garaa isaanii hamminattii qulleeffame, dhagni isaaniis bishaan qulqulluudhaan dhiqame taanee, kottaa garaa dhugaadhaan, amantii guutuudhaanis Waaqayyootti in dhi'aannaa*!

²³Inni abdii nuuf kenne amanamaa dha; kanaafis kottaa abdii keenya beeksisuutti jabaannee in qabamnaa*!

²⁴Jaalala argisiisuudhaaf, waan gaarii hojjechuudhaafis kottaa tuttuqnee yaada walii in kaafnaa*!

²⁵Akka jara tokkotti amala ta'e, nuyi walitti qabamuu keenya hin dhiifnu; guyyaan gooftaa dhi'aachaa akka adeemu in argitu, kanaaf ittuma caalchifnee wal jajjabeessina*.[44]

²⁶Nuyi dhugaa hubannee erga beeknee booddee, jaallannee beekaa cubbuu yoo hojjenne, aarsaan sababii cubbuutiif dhi'aatu si'achi hin jiru*.

²⁷Firdiinii fi ibiddi hinaaffaa inni warra Waaqayyoon morman gubu garuu, sodaadhaan eeggatamaa jiru*.

²⁸Namni seera Musee hojii irra akka hin oolle godhe, dhuga-baatonni lama yookiis sadii erga dhugaa itti ba'anii oo'a malee in ajjeefama*.

²⁹Nama ilma Waaqayyootti miilla haxaa'atuuf, nama dhiiga kakuu isa ittiin qullaa'e sana waan xuraa'aatti lakkaa'uuf, hafuura ayyaana namaaf kennu isa arrabsuufis, adaba isa irra hammaatu hammamiitu isaaf mala jettanii yaaddu ree*?

³⁰Nuyi, ?Ijaa baasuun kan koo ti, ani hojii namaa mataa isaa irratti nan deebisa? akkasumas immoo, ?Gooftichi saba isaa firdiitti in dhi'eessa? isa jedhe sana in beekna*.

³¹Waaqayyo isa jiraataa harka bu'uun guddaa sodaachisaa dha*.[45]

³²Guyyoota jalqaba itti ifa argatanii, wal'aansoo guddaa dhiphina of keessaa qabu obsaan dandeessan sana yaadadhaa*!

³³Isin keessaa kaan mul'inatti arrabsamanii rakkataniiru; kaan immoo hidhata warra mul'inatti arrabsamanii rakkatanii turan*.

³⁴Isin warra hidhamanii wajjin dhiphattaniittu; qabeenya isa caalaa wayyuu fi isa hin darbine akka qabdan waan beektaniifis, saamamuu qabeenya keessanii gammachuudhaan fudhattaniittu*.

³⁵Ammas amanachuu keessan isa gatii guddaa qabu hin gatinaa!

³⁶Jaalala Waaqayyoo gootanii, isa Waaqayyo abdachiise argachuudhaaf obsaan danda'uun isin in barbaachisa*.

³⁷Caaffanni qulqullaa'aan,

³⁷?Yeroo xinnoo isheetu jira, inni dhufuuf jiru sunis, in dhufa malee hin turu*;

³⁸inni qajeelaan kan kootii, amantiidhaan jireenya dhugaa in argata; namni yoo dugda anatti gate garuu, garaan koo itti hin gammadu? in jedha*.

³⁹Nuyi warra amantii qabanii fi warra lubbuu isaanii oolfatanii dha malee, warra badiisaaf dugda isatti gatan miti*.[46]