MACAAFA FAARFANNAA 10:1-18 GAZB1997 - Bible AI

¹Yaa Waaqayyo, ati maaliif achi fagaattee dhaabatta? Yeroo rakkinaattis maaliif of dhoksita*?

²Warri jal'oonni of bokoksanii warra rakkatoo sardanii in ari'u; isaan yaada namatti qopheessanii fidaniin ofii isaaniitii haa qabaman.

³Namni jal'aan kajeellaa garaa isaatiin of in jaja, inni bu'aa argachuuf in saama iyyuu dha; in abaara, Waaqayyoonis in tuffata.

⁴Namni jal'aan of koorsuu isaatiin yaada isaa guutuudhaan, ?Waaqayyo nama hin adabu, Waaqayyo hin jiru? in jedha*.[27]

⁵Karaan isaa yeroo hundumaatti wal in qixxaataaf, firdiin kee isa irraa ol fagoo dha, warra isaan mormanitti immoo tuffiidhaan itti in qumaada*;

⁶inni garaa isaatti, ?Ani matumaa hin mittiqu, dhaloota hundumaa keessattis wanti hamaan ana hin argatu? jedhee in yaada*.[28]

⁷Dubbii afaan isaa keessaa ba'u keessa, abaarsa, wallaalchisa, gad nama qabuutu guute; arraba isaa jala jal'inaa fi hamminatu jira*.

⁸Gandeen keessa riphee in taa'a, iddoo dhokannaatti immoo warra yakka hin qabne in ajjeesa, ija isaatiinis warra rakkatanii of gargaaruu dadhaban in gaada.

⁹Inni akka leenca caakkaa gobbuu keessaatti, dhokatee in eeggata; inni nama rakkataa qabaa isaa keessa galfachuudhaaf in eeggata; kiyyoo isaatiin harkisees isa rakkataa sana in qabata.[29]

¹⁰Inni rakkatee of gargaaruu dadhabe sunis caccabee walitti in gala, humna harka isa qabe sanaanis in kuffifama.

¹¹Yommus namni jal'aan sun garaa isaa keessatti, ?Waaqayyo isa irraanfateera, fuula isaas isa duraa dhokseera, deebi'ees matumaa isa hin argu? jedhee in yaada*.[30]

¹²Ka'i yaa Waaqayyo, yaa gooftaa harka ol fudhadhu! Warra rakkatan hin irraanfatin*!

¹³Inni jal'aan maaliif Waaqayyoon tuffata? Maaliifis garaa isaatti, ?Ati nama hin adabdu? siin jedha ree?[31]

¹⁴Atoo in argita, eyyee, ati rakkinaa fi gadda in caqasta, waan gochuun ta'us ati harka keetti qabatteetta; inni rakkatee of gargaaruu dadhabes kana sitti in kennata; ati gargaaraa warra abbaan irra hin jirree taateetta*.

¹⁵Ati irree isa jal'aa fi irree isa hamaa godhu cabsi, jal'ina isaa duukaa bu'ii adabi, deebi'ees akka inni hin argamne godhi*!

¹⁶Waaqayyo yeroo hundumaa, baruma baraanis mootii dha, sabni warri kan isaa hin ta'in biyya isaa irraa in badu.[32]

¹⁷Yaa Waaqayyo, ati himata warra gadadamoo in dhageessa, garaa isaanii in jajjabeessita, gurra kees gara isaaniitti in qabda*;

¹⁸kanaanis warri abbaan irra hin jirree fi warri gad qabaman qabaa qajeelaa akka argatan namni lafa kanaa deebi'ee pherpherama akka hin fidne in goota.[33]