MACAAFA FAARFANNAA 35:1-28 GAZB1997 - Bible AI

¹Yaa Waaqayyo! Ati warra anaan mormaniin mormi, warra ana lolanis loli!

²Gaachanaa fi mi'a lolaa ol fudhadhuutii, ana gargaaruudhaaf ka'i!

³Warra ana ari'atanitti eeboodhaa fi gajara luqqifadhu, ?Anatu si gargaara? jedhii anatti dubbadhu!

⁴Warri jireenya koo balleessuu barbaadan, haa qaana'an haa salphifamanis! Warri waan hamaa anatti malan, of irra haa deebi'an, haa yeella'anis!

⁵Akka abaqii qilleensi fuudhuu haa ta'an, ergamaan Waaqayyoos isaan haa daddarbatu!

⁶Karaan isaanii dukkanaa fi mucuca haa ta'u, ergamaan Waaqayyoos isaan haa ari'atu!

⁷Isaan sababii tokko malee kiyyoo anaaf dhoksanii kaa'an, sababii tokko malees boolla anaaf qotan.

⁸Utuu isaan hin beekin badiisi isaan irratti haa dhufu; kiyyoon isaan dhoksanii kaa'anis isaanuma haa qabu, boolluma qotan keessatti kufanii haa badan*![119]

⁹Yommus lubbuun koo Waaqayyotti gammachuu in qabaatti, gargaarsa inni anaaf godhettis in gammaddi;

¹⁰garaa koo guutuudhaan, ?Ati isa gadadamaa nama isa caalaa jabaatu harkaa, isa gad qabamaa fi isa wanta barbaachisaa dhabes, nama isa saamu harkaa in baafta; yaa Waaqayyo, kan akka keetii eenyu ree?? nan jedha*.[120]

¹¹Dhuga-baatonni sobduun jal'inaan anatti ka'anii, gaaffiidhaan wanta ani hin beekne ana irra in kaa'u*.

¹²Isa ani gaarii isaaniif godheef hamaa anaaf in deebisu; kopha-galeessas na godhan.

¹³Ani garuu yeroo isaan dhukkubsatan, uffata gaddaa nan uffadhe, soomuudhaan namummaa koo gad nan deebise, gara qoma kootti gad jedhees nan kadhadheef*;

¹⁴akka waan ani fira kootiif yookiis obboleessa kootiif gaddutti, akka nama haadha isaatiif boo'uttis ani mataa buuseen gaddaa adeeme*.[121]

¹⁵Yeroo ani gufadhee kufetti gammadanii anatti dacha'an, utuu ani itti hin yaadinis jecha isaaniitiin na madeessuuf anatti dacha'an, arrabaan na kukkutachuus gab hin goone;

¹⁶isaan warra Waaqayyo malee jiraatanii wajjin nyaataaf taa'anii in gai'su, ilkaan isaaniis anatti in qaratu.

¹⁷Yaa gooftaa, hamma yoomiitti akkasumatti ilaalta? Lubbuu tokkittii ani qabu badiisa isaan itti fidan jalaa, qabaa warra akka leenca saafelaa anatti gamu jalaas baasi!

¹⁸Yommus waldaa guddaa keessatti sin galateeffadha, saba baay'ee keessattis sin jajadha*.[122]

¹⁹Warri akkasumaan diina anatti ta'an ana irratti hin gammadin; warri sababii malee na jibbanis ana irratti ijaan wal hin tuqin!

²⁰Isaanoo nagaa hin dubbatan, warra biyya keessa nagaadhaan jiraatan irrattis dubbii sobaa yaadanii in qopheessu;

²¹isaan, ?Baga, baga, iji keenya si arge!? jedhanii laagaa anatti banan.

²²Yaa Waaqayyo, kana situ arge, calluma hin jedhin! Fagaattee na duraa hin hafin, yaa gooftaa!

²³Yaa Waaqayyo gooftaa ko! Dhimma kootiif ka'i, dubbii kootiifis dammaqi!

²⁴Akka qajeelummaa keetti dhugaa koo anaaf baasi, yaa Waaqayyo gooftaa ko! Warri diina anatti ta'an kunis ana irratti hin gammadin!

²⁵Isaan, ?Baga, isa garaa keenyaa arganne? hin jechisiisin! ?Isa liqimsineerra? akka jedhaniifis karaa hin kenniniif!

²⁶Warri hamaa anaaf gammadan hundinuu haa yeella'an, haa qaana'anis! Warri anatti of gurguddisanis, yeelloodhaa fi salphina haa uffatan!

²⁷Warri qajeelaa ta'uun koo itti tolu, haa gammadan, haa ililchanis! Yeroo hundumaas, ?Waaqayyo guddaa dha! Hojjetaan isaa nagaatti jiraachuun isatti in tola? haa jedhan.

²⁸Yommus arrabni koo qajeelummaa kee, jajamuu kees guyyaa hundumaa in dubbata.