MACAAFA FAARFANNAA 52:1-9 GAZB1997 - Bible AI

¹Gaarummaan Waaqayyoo guyyaa hundumaa achuma jira; ati immoo yaa nama dira'aa, hamaa hojjechuu keetiin maaliif of jajja ree?

²Yaa isa haxxummaadhaan hojjettuu, itti yaaddee wanta badiisaa in qopheessita; arrabni kee akka qarabaa qaramaa dha.

³Ati wanta gaarii caalaa wanta hamaa, dhugaa dubbachuu caalaas soba in jaallatta.

⁴Yaa arraba haxxumaa dubbattuu, ati dubbii badiisaa in jaallatta*.[186]

⁵Waaqayyo garuu yeroo hundumaaf gad si cabsuuf jira; godoo kee keessaa butee si baasuuf jira; biyya warra jiraatoo keessaas hundeedhaan si buqqisa*.

⁶Warri qajeelonni kana arganii in sodaatu, namichatti garuu kolfaa in dubbatu,

⁷?Ilaa namicha isa Waaqayyoon da'oo isaa hin godhanne, qooda kanaa baay'ina sooruma isaa amanatee, badiisa fiduu isaatiinis jabaa of se'e? in jedhu*.[187]

⁸Ani garuu akka muka ejersaa, isa mana Waaqayyoo keessatti lalisaa guddatuu ti; yeroo hundumaas bara baraan gaarummaa Waaqayyo nan amanadha*.

⁹Ati kana waan gooteef, ani yeroo hundumaa galateeffachaa sin jajadha; namoota siif of kennan durattis, maqaa kee isa gaarii abdiidhaan nan waammadha.[188]