MACAAFA FAARFANNAA 60:1-12 GAZB1997 - Bible AI

¹Yaa Waaqayyo ati nu gattee, humna keenya cabsitee, nutti dheekkamteetta, amma deebi'ii gara keenya gori!

²Ati laficha sochoofteetta, tattarsaaftees afaan bansiifteetta, cabaa isaa ati suphi, kanaa achi iddoo isaatii in sigigaata!

³Sabni kee rakkina cimaa akka argu gooteetta, wanta mataa nama naannesus akka daadhii wayniitti nu obaafteetta*.[203]

⁴Iddaa jalaa gara isaatti akka baqataniif, ati warra si sodaataniif faajjii ol kaafteetta*.

⁵Michoonni kee akka oolfamaniif immoo, ati harka kee mirgaadhaan gargaari, nuufis deebii deebisi![204]

⁶Waaqayyo iddoo isaa isa qulqullaa'aa keessaa dubbatee, ?Ani guddisee itti nan gammada, Sheekem kutaa biyyaa nan hira, dachaa Suukootis safaree gargar nan hira.

⁷Biyyi Gili'aad kan koo ti, biyyi Minaasees kan koo ti; biyyi Efreem gonfoo sibiilaa isa ani mataa koo ittiin eeggachuuf kaa'adhuu dha; biyyi Yihudaa siiqqee mootummaa kootii ti*.

⁸Biyyi Mo'aab caabii dhiqannaa kootii ti, biyyi Edoom kan koo ta'uu isaa argisiisuudhaaf, kophee koo isa irra nan buusa; biyyi Filisxiyaa isa irratti mo'uu koo guddisee haa dhageessisu!? jedhe*.[205]

⁹Gara mandara naannoon isaa dallaa dhagaatiin marfametti, eenyutu na fida ree? Eenyutus gara Edoomitti na geessa ree?

¹⁰Ati garuu nu gatteetta mitii, yaa Waaqayyo? Ati yaa Waaqayyo, loltuu keenyaa wajjinis lafa duulaatti hin baatu.

¹¹Warra nu cunqursan jalaa ba'uuf, gargaarsi namaa homaa waa'ee hin baasu waan ta'eef, ati gargaarsa nuuf kenni*!

¹²Waaqayyoo wajjin nuyi humna in godhanna, warra nu cunqursan gad kan dhidhiitu isa.[206]