1Waaqayyo biyya Yihudaatti beekamaa dha, maqaan isaas biyya Israa'elitti guddaa dha;
2godoon isaa mandara Saalem keessa, iddoon buufata isaas Xiyoon keessa in dhaabate*.
3Inni achitti xiyya phal phal jechaa adeemu, gaachana, billaa, mi'a lolaas in cabse*.[260]
4Ifni si irraa in finiina, tulloota ?Tulluu boojuu? jedhamanii beekaman caalaattis ati surra-qabeessa!
5Warri onneen isaanii guutuu iyyuu mi'i isaanii saamamee, hirriba hin-kaane in rafan; namoonni loltuun hundinuu, harka isaaniitiin waa hojjechuu hin dandeenye.
6Yaa Waaqayyo isa kan Yaaqoob! Ifata keetiin abbaan fardaa, fardi isaas of wallaalanii in ciciisu.
7Ati garuu guddaa sodaachisaa dha, yeroo dheekkamsi kee ka'u, eenyu si dura dhaabachuu danda'a ree?
8Yeroo ati bantiiwwan waaqaa keessaa firdii dhageessifte, lafti immoo sodaattee calluma jette*;
9Waaqayyo warra biyya lafaa kana irratti cunqurfaman oolchuudhaaf, firdii jabeessee dhaabuuf in ka'a.[261]
10Dheekkamsi namootaa iyyuu ati caalaa akka jajamtu in godha, dheekkamsa isa irraa hafus akka mi'a miidhaginaatti ofitti in hidhatta.
11Wareega gooftaadhaaf wareegaa, isa wareegdanis Waaqayyo keessaniif baasaa! Warri naannoo isaa jiraatan hundinuu kennaa isaaf, isa sodaatamu sanaaf haa fidan*!
12Inni hafuura isa warra gurguddoota keessaa ka'u gad in deebisa, inni mootota lafa irraas guddaa in sodaachisa.[262]