MACAAFA FAARFANNAA 96:1-13 GAZB1997 - Bible AI

¹Faarfannaa haaraadhaan Waaqayyoon faarfadhaa, guutummaan biyya lafaas Waaqayyoon faarfadhaa*!

²Waaqayyoon faarfadhaa, maqaa isaas eebbisaa, fayyisuu isaas guyyuma guyyaatti labsaa!

³Saba lafa irraa keessatti guddina isaa, saba hundumaa keessattis gocha isaa isa dinqisiisaa beeksisaa![335]

⁴Waaqayyo guddaa dha, guddisee jajamuun in ta'aaf, waaqayyolii hundumaa gara irraattis sodaatamuun isaaf in ta'a.

⁵Waaqayyoliin saba warra kaanii hundinuu kan dhimma hin baafnee dha, Waaqayyo garuu bantiiwwan waaqaa in hojjete*.

⁶Surraan, simboonis fuula isaa dura, aangoon, miidhagummaanis mana qulqullummaa isaa keessa jiru.[336]

⁷Isin qomoon saba hundaa Waaqayyoof ulfina dhi'eessaa! Aangoo Waaqayyoos beeksisaa!

⁸Ulfina maqaa isaatiif ta'u Waaqayyoof dhi'eessaa! Kennaa fidaatii gara oobdii isaa kottaa!

⁹Qulqullummaa akka mi'a miidhaginaatti naqadhaatii Waaqayyoof sagadaa, yaa guutummaa lafaa, isa duratti rom'i!

¹⁰Saba lafa irraa keessatti, ?Waaqayyo mootii dha! Eyyee, inni biyya lafaa jabeessee dhaabeera, iddoo isaatiis akka inni hin butanne godheera; qajeeltoodhaanis saba hundumaaf firdii in kenna? jedhaa*!

¹¹Bantiiwwan waaqaa haa gammadan, laftis gammachuu haa qabaatu, galaanni wanti isa keessa guutes haa huursu!

¹²Bakkeen, wanti isa keessa jiru hundinuus haa gammadan eyyee, mukeetiin caakkaa hundinuu sagalee gammachuu haa dhageessisan!

¹³Kun fuula Waaqayyoo duratti in ta'a, inni in dhufa, eyyee, inni lafaaf firdii kennuudhaaf in dhufa; guutummaa biyya lafaaf qajeelummaadhaan saba hundumaafis amanamummaadhaan firdii in kenna*.[337]