Macaafa Ermiyaas Raajichaa 30:1-24 GAZB1997 - Bible AI

¹Dubbiin Waaqayyo biraa gara ana Ermiyaas dhufe kanatti fufee jira;

²Waaqayyo gooftaan inni kan Israa'el, ?Wanta ani amma sitti dubbadhu kana hundumaa caaffadhu*!

³Kunoo! Barri ani itti saba koo warra biyya Israa'elii fi biyya Yihudaa keessaa booji'aman deebisee fidu in dhufa; biyya isa ani abboota isaaniif dhuunfaa godhee kennetti isaan nan deebisa? jedhe; kana Waaqayyotu dubbate*.[186]

⁴Wanti Waaqayyo waa'ee Israa'eliif, waa'ee Yihudaafis dubbate kanatti fufee jira;

⁵Waaqayyo, ?Isin, ?Sodaanii fi naasuun akka jiru dhageenyeerra, nagaanis hin jiru? jettaniittu;

⁶mee iyyaafadhaatii ilaalaa! Dhugumaan dhiirri da'uu in danda'aa ree? Maaliif dhiirri hundinuu akka dubartii ciniinsfattuu harka isaatiin dugda isaa qabata ree? Maaliifis hundumti isaanii fuula badu ree*?

⁷Wayyoo! Guyyaan sun guyyaa guddaa sodaachisaa dha; kan akka isaatii ta'ee hin beeku; inni sanyii Yaaqoobiif guyyaa rakkinaa in ta'a; isaan garuu kanuma keessaa in baraaramu*.[187]

⁸?Ani guyyaa sanatti waanjoo morma isaanii irraa fuudhee nan cabsa, hudhaa isaas isaan irraa nan kuta; si'achi ormi garbicha isaan hin godhatu*;

⁹isaan ana Waaqayyo gooftaa isaaniitiif akkasumas mootii isaanii isa ani sanyii Daawit keessaa isaaniif kaasuuf in hojjetu*.

¹⁰Kanaaf yaa garboota ko, yaa sanyii Yaaqoob hin sodaatinaa! Yaa saba Israa'el hin na'inaa! Ani kunoo, biyya fagoodhaa isin nan fida, sanyii keessanis iddoo isaan itti booji'amanii nan baasa; sanyiin Yaaqoob achitti deebi'anii bir'aa malee nagaatti in jiraatu; kan isaan sodaachisus hin jiru.

¹¹Ani isinii wajjinan jira, isin nan gargaara, saba warran keessa isin tamsaase hundumaa nan balleessa, isiniin garuu qajeelummaadhaan adabeen isin deebisa malee, raawwadhee isin hin balleessu, isin adabuu immoo hin dhiisu? jedhe*.[188]

¹²Waaqayyo dubbii isaa itti fufee, ?Isin madaa fayyuu hin dandeenyeen in madooftan, miidhama guddaadhaanis in miidhamtan*;

¹³namni isin gargaaru hin jiru, madaa keessanis qorichi fayyisu hin jiru.

¹⁴Warri dur isin jaallachaa turan hundinuu, amma isin irraanfattaniiru, dhimma keessanis hin qaban; yakki keessan guddaa, cubbuun keessanis baay'ee waan ta'eef, akka nama diina isaa rukutuuttan oo'a malee rukutee isin madeesse*.

¹⁵Anoo sababii yakka keessan isa guddaaf, cubbuu keessan isa baay'eefis jedheen isin adabe, isin maaliif madaa keessan isa qorichi fayyisuu hin dandeenyeef iyyitu?

¹⁶Amma garuu warri isin nyaatan hundinuu akka nyaataman, diinonni keessan hundinuu akka booji'aman, warri isin saaman akka saamaman, warri isin ari'atan hundinuu akka ari'ataman nan godha*.

¹⁷Diinonni keessan, ?Isin Xiyoon ishee gatamte, ishee namni dhimma ishee hin qabnee dha? yoo isiniin jedhan iyyuu, ani immoo madaa keessan nan fayyisa, gogaa haaraas isa irratti nan biqilcha; kana ana Waaqayyotu dubbate*.[189]

¹⁸?Kunoo! Ani saba koo warra sanyii Yaaqoob keessaa booji'aman nan deebisa, iddoo isaan jiraatanittis oo'a isaanitti nan argisiisa; mandarattiin deebitee iddoo ishee duriitti in ijaaramti, manni mootummaas iddoo isaa duriitti deebi'ee in ijaarama*.

¹⁹Sagaleen faarfannaa galataa fi sagaleen gammachuu achi keessaa in dhaga'ama; ani isaan nan baay'isa malee, isaan hin xinneessu*; ulfina isaaniif nan kenna malee, isaan hin salphisu*;

²⁰ijoolleen isaanii akkuma abboota isaanii durii akka ta'an, tokkummaan waldaa isaanii fuula koo duratti jabaatee akka dhaabatu nan godha; nama isaan cunqursu hundumaas nan adaba*.

²¹Namni isaan geggeessu isaanuma keessaa in dhalata, kan isaan bulchus isaanuma gidduudhaa in ba'aaf; inni gara kootti akka dhi'aatu nan godha, innis gara koo in dhufa; kanaa achi eenyutu ija jabaatee gara kootti dhi'aachuu danda'a ree*?

²²Egaa isaan saba koo in ta'u, anis Waaqayyo isaanii nan ta'a? jedhe; kana Waaqayyotu dubbate*.[190]

²³Kunoo! Bubbeen dheekkamsa Waaqayyoo inni sodaachisaan mataa warra jal'ootaa irratti in bubbisa;

²⁴bubbeen dheekkamsa Waaqayyoo kun wanta inni yaade utuu fiixaan hin baasin, utuu hin raawwatinis hin deebi'u; kun immoo yeroo raawwatamutti hubachuuf jirtu*.[191]