Macaafa Isaayaas Raajichaa 19:1-25 GAZB1997 - Bible AI

¹Wanti biyya Gibxii irratti ta'uuf jiru in dubbatame. Kunoo! Waaqayyo duumessa ariifataadhaan gara biyya Gibxii in dhufa; waaqayyolii tolfamoonni biyya Gibxii fuula isaa duraa in rom'u, garaan warra Gibxiis ofiidhuma isaanii keessatti akka gagaa in baqa*.

²Waaqayyo, ?Ani ?Warra Gibxii walitti nan naqa, obboleessa obboleessa irratti, fira fira irratti, mandara mandara irratti, mootummaas mootummaa irratti nan kaasa;

³warri Gibxii humna in dhabu, akeeki isaaniis akka fiixaan hin baane nan godha; isaan immoo waaqayyolii tolfamoo, warra hafuurota warra du'an waaman, eker-dubbiftuu fi qaallota in gaafatatu;

⁴warra Gibxii harka goftoolii hamootaatti dabarsee nan kenna, mootiin nama sodaachisus isaan irratti in mo'a? jedhee, ani Waaqayyo gooftaan maccaa dubbadheera? jedhe.[89]

⁵Galaanni in hir'ata, bishaan lagaas qal'atee in goga*;

⁶burqituuwwan isaanii gu'anii in gogu, lagoonnis in ajaa'u, jajjabnii fi dhallaadduun in coollagu;

⁷lagni Abbayyaa bukkeen duwwaa in ta'a, wanti qarqara Abbayyaa facaafame hundinuus gogee achii in bada.

⁸Warri qurxummii qabuudhaaf qonyee isaanii Abbayya keessa buusan, hundinuu gaddanii in boo'u; warri kiyyoo isaanii bishaan keessa kaa'an hundinuus abdii in kutatu.

⁹Warra rifeensa hiddamaa qopheessanii fi warra uffata quncee talbaa dha'an humnatu bu'a;

¹⁰warra uffata dha'an kanas yaadatu caba, warri qacaramanii hojjetan hundinuus in gaddu.[90]

¹¹Gurguddoonni mandara Zo'aan dhugumaan gowwoota, gorsi ogeessota Fara'oon gatii hin qabu; isin attamitti Fara'ooniin, ?Ani ilma nama ogeessaa ti, ilma sanyii mootii durii tis? ofiin jettu ree?

¹²Yaa Fara'oon, ogeessonni kee eessa jiru? Jiru yoo ta'e mee wanta Waaqayyo gooftaan maccaa biyya Gibxii irratti qopheesse sitti haa himan kaa*!

¹³Gurguddoonni mandara Zo'aan in gowwooman, gurguddoonni mandara Memfiisis in sossobaman; ofii isaaniitiis immoo saba Gibxii karaa irraa in kaachisan[91].

¹⁴Waaqayyo hafuura walii wallaalchisu isaanitti in naqe, isaan akka nama machaa'ee gatantaraa hoqqisuu in ta'an; biyyi Gibxiis wanta gootu hundumaatti karaa irraa akka kaatu in godhan*.

¹⁵Si'achi biyya Gibxii keessaa namni waa hojjetee fiixaan baasu hin jiru; warri mataatti, eegeetti, damee muka meexxiitti yookiis dhallaadduutti fakkeeffaman waa gochuu hin danda'an.[92]

¹⁶Waaqayyo gooftaan maccaa harka isaa warra Gibxii irratti yommuu ol fudhatu, isaan akka dubartootaa in ta'u, sodaataniis in hollatu;

¹⁷biyyi Yihudaa biyya Gibxii in naasisa; sababii Waaqayyo gooftaan maccaa isaanitti akeekkateef, maqaan Yihudaa yeroo dha'amu kan dhaga'an hundinuu in sodaatu.

¹⁸Yeroo sanatti biyya Gibxii keessaa mandaroonni shan warri afaan Kana'aan dubbatan maqaa Waaqayyo gooftaa maccaatiin in kakatu; mandaroota sana keessaa isheen tokko ?Mandara aduu? in jedhamti[93];

¹⁹yommus iddoon aarsaa garaacha biyya Gibxii keessatti Waaqayyoof, utubaan dhagaas daarii biyya sanaa irra seenaa isaatiif in dhaabama;

²⁰kun biyya Gibxii keessatti Waaqayyo gooftaa maccaaf milikkitaa fi dhuga-baatuu in ta'a; yommuu isaan gad qabamanii gara Waaqayyootti iyyatan, inni immoo fayyisaa isa isaaniif loluu fi isa luba isaan baasu isaaniif in erga*.

²¹Waaqayyo yommus warra Gibxii biratti in beekama; warri Gibxiis isa in beeku, isaafis aarsaa qalmaa fi kennaa midhaanii in dhi'eessu; Waaqayyoof wareega in wareegu, wanta wareeganis in baasu*;

²²warra Gibxii Waaqayyo in rukuta, garuu yoo rukute iyyuu isaan in fayyisa; yommuu isaan gara isaatti deebi'anis kadhata isaanii dhaga'ee isaan in fayyisa*.[94]

²³Yeroo sanatti karaan biyya Gibxii ka'ee hamma biyya Asoritti in ba'a; warri Asor biyya Gibxii, warri Gibxiis biyya Asor in dhaqu; warri Gibxii warra Asorii wajjin Waaqayyoof in sagadu*;

²⁴yommus Israa'el Gibxii fi Asoritti dabalamee sadaffaa in ta'a; kunis guutummaa biyya lafaatiif eebba in ta'a;

²⁵Waaqayyo gooftaan maccaas isaan eebbisee, ?Sabni koo warri biyya Gibxii, warri biyya Asor, warri ani harka kootiin hojjedhes eebbifamoo dha, Israa'el inni dhuunfaa koo ta'es eebbifamaa dha? jedhe*.[95]