Macaafa Isaayaas Raajichaa 49:1-26 GAZB1997 - Bible AI

¹Isin warri biyya galaana gidduu keessa jiraattan na dhaggeeffadhaa! Sabni biyya fagoo jirtanis dhaga'aa! Garaa haadha koo keessa utuun jiruu Waaqayyo na waame, utuun hin dhalatinis maqaa na moggaase*;

²inni dubbii afaan koo keessaa ba'u akka billaa qaramaa in godhe, gaaddisa harka isaatiinis na golboobe; akka xiyya qaramaa na godhe, mann'ee isaa keessas na kaa'ate*.

³Inni, ?Yaa Israa'el, ati garbicha koo ti, ani siin ulfina nan argadha? anaan jedhe;

⁴ani illee, ?Akkasumaanan itti dadhabe, humna koos wanta waa'ee hin baafnetti nan baase? jedheen ture; dhugaa koo garuu Waaqayyo kootu anaaf baasa, gatii koos isatu anaaf kenna*.[233]

⁵Ammas ani garbicha isaa akkan ta'uuf, Yaaqoobin gara isaa akkan fiduuf, Israa'elinis isa biratti akkan walitti qabuuf, Waaqayyo garaa haadha koo keessatti na tolchee fuula isaa duratti ulfina anaaf kennee jabinas anaaf ta'eera.

⁶Waaqayyo, ?Ati garbicha anaaf ta'uun kee, saba lafa irraatiif ifa, guutummaa biyya lafaa irra warra jiraataniifis fayyina akka taatuuf malee, gosa Yaaqoob kaasuuf, Israa'el keessaas warra hafan deebisuu duwwaadhaaf miti? naan jedhe*.

⁷Waaqayyo inni Israa'elin furu, inni qulqulluun kan Israa'el, nama baay'ee tuffatameen, isa sabni lafa irraa jibbaniin, isa warra biyya mo'aniif garbicha ta'een, ?Mootonni kana arganii in ka'u, angafoonnis fedha Waaqayyo isa amanamaa jalatti in gugguufu; qulqulluu Israa'el isa si fo'ate jalattis in kufu? jedhe*.[234]

⁸Ammas Waaqayyo, ?Yeroo ana biratti jaallatamee fudhatametti siif nan deebisa, guyyaa fayyinaattis sin gargaara; ani sin eega, karaa ani saba hundumaa wajjin kakuu galus sin godhadha; ati biyyicha deebiftee akka ijaartu, dhaala isa gad dhiifamee tures deebiftee akka hirtuuf*,

⁹warra hidhamaniin, ?Hiikamaa!? warra dukkana keessa jiraniinis, ?Ifatti ba'aa!? akka jettu nan godha; isaan akka hoolota karaa irratti nyaata, iddoo ol ka'aa isa qoqoree ture irrattis dheedumsa argatanii in ta'u;

¹⁰ani Waaqayyo isaaniif kanan oo'u isaan nan geggeessa; gara burqaa bishaaniittis isaan nan geessa; isaan hin beela'an, hin dheebotanis, saafaan akka ibiddaa boba'uu fi ho'i aduu isaan hin miidhu*;

¹¹ani tulloota koo hundumaa irra daandii nan baasa, karaa koos isaaniif wal nan qixxeessa*;

¹²kunoo! Isaan biyya fagoodhaa, isaan kaan biyya gara bitaatii, isaan kaan lixa-biiftuutii, warri kaan immoo biyya Aswaanii in dhufu? jedhe[235].[236]

¹³Waaqayyo saba isaa waan jajjabeesseef warra gadadamaniifis waan oo'eef, yaa bantiiwwan waaqaa faarfadhaa! Yaa lafaa gammadi! Yaa tulloota nana ililchaa*!

¹⁴Xiyoon garuu, ?Waaqayyo na gateera, gooftaan koo na irraanfateera? in jette.

¹⁵Waaqayyo immoo, ?Haati mucaa ishee isa harma hodhu irraanfachuu in dandeessii? Mucaa ishee isa ofii deesseef hin ootuu ree? Utuma isheen isa irraanfatte iyyuu, ani matumaa si hin irraanfadhu*!

¹⁶Kunoo! Ani bar'uu harka koo irratti si caaffadheera, kellaan kee inni dhagaadhaan ijaarame yeroo hundaa fuula koo dura jira.

¹⁷Warri si diiganii si balleessan dafanii si keessaa in ba'u; ijoolleen kee warri si ijaaran immoo ariitiidhaan gara keetti in deebi'u;

¹⁸ol jedhiitii naannoo kee ilaali! Ijoolleen kee hundinuu walitti qabamanii gara kee in dhufu; dhugaa ana Waaqayyo isa jiraataa ti! ?Ati hunduma isaanii akka mi'a miidhaginaatti in naqatta, akka misirroos ijoollee keetiin in miidhagfamta? jedhe*.[237]

¹⁹?Ati isheen dur balleeffamtee ontee, namni si keessaa badee ture, amma immoo warra si keessa jiraatanitti in dhiphatta, warri si balleessanis sittii in fagaatu.

²⁰Ati isheen ijoolleen kee si duraa fudhatamanii turan, amma immoo ijoolleen kee baay'atanii, ?Iddoon kun nutti xinnaateera lafa nuuf dabali!? utuu siin jedhanii in dhageessa*;

²¹ati immoo yommus garaa keetti, ?Anoo ijoollee koo nan dhabe, ergasiis hin deenye, isaan kana eenyutu anaaf da'e? Anoo booji'ameen tuffatamee biyya ormaa ture, isaan kana eenyutu anaaf guddise ree? Kunoo! Anoo kophaan koo ture, isaan kun eessaa ba'an ree?? in jetta? jedhe*.[238]

²²Waaqayyo gooftaan, ?Kunoo! Ani saba biyya lafaa irra jiran harkaan nan hawwadha, sabaafis faajjii ol nan fuudha; isaan immoo ilmaan kee kaasuutti, intaloota kees gatiittii isaaniitti baatanii in fidu*;

²³mootonni guddisee ijoollee kee in ta'u, dubartoonni warra moototaas ijoollee kee siif in hoosisu; isaan hamma lafa ga'anitti siif in qoomma'u, miilla kee irraas awwaara in araabu; yommus ani Waaqayyo akkan ta'e, warri ana amanatanis akka hin yeellaasifamne ati in beekta? jedhe*.

²⁴Wanta namni jabaan saame isa harkaa butachuu, isa humna-qabeessi hidhes jalaa baasuu kan danda'u jiraa ree?[239]

²⁵Waaqayyo immoo deebisee, ?Eyyee wanti namni jabaan saame iyyuu irraa in fudhatama, warri inni humna-qabeessi hidhates isa jalaa in baafama, ani warra siin mormaniin nan morma, ijoollee kees nan oolcha*;

²⁶warri si cunqursan immoo foon oofii isaanii akka nyaatan, dhiiga ofii isaaniis akka daadhii wayniitti dhuganii akka machaa'an nan godha; yommus ani Waaqayyo inni aango-qabeessi kan Yaaqoob isa si fayyisuu fi isa si furu akkan ta'e, namoonni hundinuu in beeku? jedhe*.[240]