Macaafa Iyoob 10:1-22 GAZB1997 - Bible AI

¹?Ani jireenya koo nan jibba, of gad dhiisees gadda koo nan dhageessifadha; isa jireenyi koo keessa ba'ee anatti hadhaa'e nan dubbadha*;

²ani Waaqayyoo wajjin dubbadhee, ?Waanan sitti balleesse anatti himi malee, maaliif anatti faradda?

³Maree warra jal'ootaa faara tolaadhaan ilaaltee ana cunqursuun, hojii harka keetiis tuffachuun sitti in tolaa ree?

⁴Ati dhuguma ija foonii qabdaa ree? Akkuma namni ilaaluttis in ilaaltaa ree*?

⁵Guyyoonni kee akka guyyoota namaa tii ree? Waggoonni kees akka waggoota namaa tii ree?

⁶Egaa maaliif irra-daddarbaa koo iyyaafattee, cubbuu koos qoratta?

⁷Balleessaa akkan hin qabne, harka kees kan na oolchu akka hin jirre ati in beekta.[33]

⁸? ?Duroo harka keetu tolchee na uume, kana keessaa gara galtee ana balleessitaa*?

⁹Suphee irraa akka na uumte yaadadhu; amma immoo biyyootti na deebisuuf jettaa ree*?

¹⁰Ati akka aannanii ana hin dhangalaafnee ree? Akka itittuus ana hin itichinee ree?

¹¹Gogaa fi foon anatti uffiftee, ribuudhaa fi lafeedhaan walitti na fayyifte.

¹²Ati jireenya anaaf kennitee, gaarummaas na argisiifteetta; eegumsi kee hafuura koo jiraachiseera.[34]

¹³? ?Garuu ati kana garaa keessa akka kaa'atte, kunis akeeka kee akka ture ani beeka;

¹⁴yoon cubbuu hojjedhe ati in argita, yakka koo irrattis akkasumatti gad ana hin dhiiftu.

¹⁵Jal'aa yoon ta'e anaaf wayyoo! Salphinaan guutamee, gad qabamuudhaanis waanan liqimfameef, utuman nama qajeelaa ta'e iyyuu, danda'ee mataa koo ol hin qabadhu.

¹⁶Yoon mataa koo ol qabadhe, ati akka leencaa na adamsita; ammaa ammas humna kee isa dinqisiisaa anatti in argisiifta*;

¹⁷dhuga-baatota haaraa ana irratti in kaafta, dheekkamsa kee anatti in baay'ifta, loltuu haaraa anatti in ergita.[35]

¹⁸? ?Gadameessa keessaa maaliif na baafte? Iji nama tokko illee utuu ana hin argin, utuun du'eera ta'ee*!

¹⁹Utuun hin jiraanne ta'ee, gadameessa keessaa gara awwaalaatti geeffameera ta'ee, attam gaarii ture!

²⁰Barri jireenya koo muraasa mitii ree? egaa jajjabina xinnoo ishee akkan argadhutti na dhiisii ana irraa deebi'i!

²¹Ani gara lafa deebi'anii hin galle, lafa halkanii fi dukkana sodaachisaa*,

²²gara lafa dukkana quba hin keessifneef dukkana sodaachisaa, lafa toora hin qabne, lafa ifni iyyuu akkuma dukkanaa ta'e utuun hin dhaqin, jajjabina akkan argadhutti na dhiisi!? nan jedha? jedhe.[36]