Macaafa Iyoob 20:1-29 GAZB1997 - Bible AI

¹Yommus Zofaar Naa'imaatichi deebisee,

²?Ani deebii akkan kennuuf yaada kootu na giddisiisa, kanaafanis dubbachuudhaaf ariifadha.

³Arrabsoo isa ani ittiin salphadhe dhaga'eera, hafuurri ani ittiin hubadhu garuu deebii akkan kennu na godheera.

⁴?Erga bara durii durii yeroo namni biyya lafaa irratti uumamee jalqabee, dubbii akkasii kana bektaa ree?

⁵Sagalee gammachuu dhageessisuun warra jal'ootaa yeroo gabaabaadhaaf, gammachuun warra Waaqayyo malee jiraataniis hamma liphsuu ijaatiif;

⁶ol of qabuun isaa, dhedheerinni isaas waaqa bira ga'u iyyuu, mataan isaas duumessa yoo tuqe iyyuu,

⁷inni ofii isaatii raawwatee in bada; warri kanaan dura isa arganis, ?Meerree inni?? in jedhu*.

⁸Akka abjuu in dhabama malee, hin argamu; akka mul'ata halkaniis in bada*;

⁹iji kanaan dura isa arge, deebi'ee isa hin argu; iddoon isaas deebi'ee isa hin baru*.

¹⁰Ijoollonni isaa harka warra hiyyeessotaatii gargaarsa in barbaadu, harki isaas qabeenya isaa in deebisa;

¹¹humni ijoollummaa isaatii inni lafeewwan isaa keessa guute, isaa wajjin biyyoo keessa in ciisa.[66]

¹²?Jal'inni afaan isaatii miyaa'ee, inni arraba isaa jala yoo dhokse iyyuu,

¹³afaanii baasuu jibbee, afaan isaa keessa yoo turse iyyuu,

¹⁴nyaati isaa garaa isaa keessatti in geddarama, isa keessattis hadhaa mar'ataa in ta'a.

¹⁵Inni badhaadhummaa in liqimsa, haa ta'u iyyuu malee, garaa isaa keessaa akka inni baasu Waaqayyo waan godhuuf, isa liqimse sana in diddiga.

¹⁶Hadhaa bofaa in xuuxa, hadhaan mar'ataas isa in ajjeesa;

¹⁷lagootaa fi bishaanota dammaa fi ittituu baasan hin argu*;

¹⁸wanta ofii itti dadhabes utuu hin nyaatin deebisee in kenna; bu'aa isa nagadee argatettis hin gammadu*.

¹⁹Warra dadhaboo caccabsee in dhiise, qooda mana ijaarrachuus humnaan in qabate.[67]

²⁰Sasanni isaa isa irraa hin galle, garuu wanta itti gammadu keessaa tokko iyyuu hin oolffanne*.

²¹Inni waan qabu nyaatee in fixa, kanaaf qabeenyi isaa dafee in dhuma;

²²danuu quufee geessifate kana keessaa, rakkinni isa irra ture; humni gadadoo isa irratti wal ga'a.

²³Inni nyaatee garaa isaa in guutata, Waaqayyo immoo dheekkamsa isaa isa boba'aa isatti in erga; utuu inni nyaachaa jiruus, akka bokkaa isa irratti in roobsa;

²⁴mi'a waraanaa sibiila irraa hojjetame jalaa in baqata, xiyyi sibiila borrajjii irraa hojjetame immoo isa in waraana;

²⁵inni luqqifame karaa dugdaa isa in waraana, fiixeen isaa inni calaqisaanis hadhooftuu isaa keessa in ba'a; naasuunis isa in qabata*.[68]

²⁶?Dukkanni guutummaatti dhokatee isa in eeggata, ibiddi hin dhaamnes xaph isa in godha; wanti godoo isaa keessatti hafes in dhuma.

²⁷Bantiiwwan waaqaa yakka isaa in mul'isu, laftis isa irratti in ka'a;

²⁸guyyaa dheekkamsa Waaqayyootti, qabeenyi mana isaatii akka bishaanii yaa'ee in darba.

²⁹Egaa qoodni Waaqayyo nama jal'aaf kaa'u, ga'aan inni nama jal'aaf kennus kan akkasii ti? jedhe*.[69]