Macaafa Iyoob 34:1-37 GAZB1997 - Bible AI

¹Eliihuun ammas dubbachuu itti fufee,

²?Isin yaa namoota ogeeyyii nana dubbii koo dhaga'aa! Isin warri beektonnis na dhaggeeffadhaa!

³Akkuma arrabni nyaata mi'eeffatu, gurris immoo dubbii gargar baasee in ilaala*;

⁴kottaa wanta qajeelaa ta'e gargar baafnee in fo'anna, walii wajjinis wanta gaarii ta'e in baranna.[116]

⁵?Iyoob, ?Ani qajeelaa dha, garuu Waaqayyotu firdii qajeelaa na dhowwate*;

⁶ani utuman dhugaa qabuu, akka sobduutti nan ilaalame; irra-daddarbaa utuun hin qabaatinis, madaan koo kan hin fayyine ta'e? jedha*.

⁷Nama attamiitu akka Iyoob ga'oo akka bishaaniitti dheebota ree*?

⁸Inni namoota hamootaa wajjin hidhata, namoota jal'ootaa wajjinis miiltoo in ta'e*;

⁹innoo, ?Namni Waaqayyotti gammaduun, namaaf homaa waa'ee hin baasu? jedheera.[117]

¹⁰?Kanaaf isin namoota hubatoo nana, na dhaga'aa! Jal'inni Waaqayyo irraa, dabaa hojjechuunis isa hundumaa danda'u irraa haa fagaatu*!

¹¹Inni akka hojii namaatti namaaf in deebisa, akka karaa isaattis akka inni argatu in godha*.

¹²Eyyee, dhuguma Waaqayyo jal'inaan hin hojjetu, inni hundumaa danda'u dhugaa hin jal'isu*.

¹³Biyya lafaa eenyutu hadaraa isatti kennate? Guutummaa biyya lafaas eenyutu uume?

¹⁴Waaqayyo namatti gara galee, hafuura isaa fi hafuura isa namatti baafate sana utuu deebifate,

¹⁵uumamni hundinuu ergaan takkaa in bada, namnis gara biyyootti in deebi'a ture*.[118]

¹⁶?Amma immoo yoo hubatteef kana dhaga'i! Dubbii ani dubbadhus dhaggeeffadhu!

¹⁷Wanta qajeelaa ta'e namni jibbu in mo'aa ree? Yookiis ati Waaqayyoon isa qajeelaa fi danda'aa in hammeessitaa ree*?

¹⁸Mootiidhaan, ?Ati waa'ee hin baaftu?[119], guddaa biyyaatiinis, ?Ati jal'aa dha? kan jedhu isa.

¹⁹Hundumti isaanii hojii harka isaatii waan ta'aniif, inni gurguddootaaf hin loogu, sooressas hiyyeessa caalaatti hin ilaalu*.

²⁰Isaan battalatti in dhumu, halkan walakkaas sabni raafamee in dhuma, humna-qabeeyyiinis harki utuu itti hin bu'in in fuudhamu*.[120]

²¹?Iji isaa gara karaa namaa in ilaala, tarkaanfii isaa hundumaas in arga*.

²²Halkanii fi dukkanni sodaachisaan, lafti warri hamaa hojjetan dhokatan hin jiru*.

²³Namni si'achi firdiif fuula isaa duratti akka dhi'aatuufis, Waaqayyo dhaaba gochuufii isa hin barbaachisu;

²⁴humna-qaboota qorannaa malee caccabsee in hurreessa, kan biraas iddoo isaanii in buusa*.

²⁵Inni waan isaan hojjetan waan beekuuf, halkanuma sana gara isaan in gaggalcha, isaanis akkasitti in bulleeffamu.

²⁶Inni warra jal'oota gidduutti, lafa namni argutti isaan in rukuta;

²⁷sababiin isaas isaan isa duukaa bu'uu dhiisanii waan gara galaniif, karaa isaas waan hin hubanneef.

²⁸Boo'ichi warra hiyyeessaa gara isaa akka dhaqu in godhan, innis boo'icha warra rakkatoo in dhaga'e*.

²⁹Egaa utuu inni calluma jedhe, eenyutu isa hadheessa ree? Utuu inni fuula isaa dhokse, eenyutu isa arguu danda'a ree? Inni saba irratti, nama irrattis akkasuma,

³⁰warra namoota sana gowwoomsan keessaa, nama Waaqayyo malee jiraatu tokko mootii in godha.[121]

³¹?Namni Waaqayyoon, ?Ani adaba koo nan fudhadha, deebi'ee immoo hin yakku!

³²Wanta ani hin argine, ati na barsiisi! Wanta qajeelaa hin ta'in hojjedheera yoon ta'e immoo, lammaffaa itti hin deebi'u!? jedhe jiraa ree?

³³Egaa sababii ati tuffatteef, Waaqayyo akka yaada keetti deebisaa ree? Isa situ fo'achuun ta'a malee ana miti, kanaaf ati waan beektu dubbadhu!

³⁴Namoonni qalbii qaban, warri ogeessonni na dhaggeeffatanis haa dubbatan!

³⁵Isaan, ?Iyoob beekumsa malee dubbata, dubbiin isaas midhaan hin qabu? in jedhu*.[122]

³⁶?Sababii deebiin isaa akka kan warra jal'ootaa ta'eef, Iyoob hamma dhumaatti qoramee utuu ilaalamee!

³⁷Inni irra-daddarbaa cubbuu isaa irratti in dabala, nu gidduu taa'ee harka in rurrukutata, dubbii isaa isa Waaqayyo irratti dubbatus in baay'isa? jedhe.