Macaafa Iyoob 4:1-21 GAZB1997 - Bible AI

¹Kana irratti Eliifaaz Temaanichi,

²?Yoo namni sii wajjin dubbachuu yaale obsa in dhabdaa ree? Haa ta'u iyyuu malee, eenyutu dubbachuu dhiisa ree?

³Kunoo, ati namoota baay'ee barsiifteetta, dadhaboota harka qabdee jabeessiteetta*;

⁴dubbiin kee nama kufuuf jedhu jajjabeessee in oolcha, warra jilbi isaanii laafes jabeessiteetta;

⁵amma garuu rakkinatu si irra ga'ee, si rukute; ati naatee in raafamte, obsas in dhabde;

⁶Waaqayyoon sodaachuun kee, amanannaan kee, qajeelina karaa keetti jabaachuun kees abdii kee hin turree ree?[11]

⁷?Mee yaadadhu, namni balleessaa hin qabne, takkaa badee beekaa ree? Yookiis namni qajeelaan eessaa balleeffamee beeka ree*?

⁸Akkan argetti warri waan hamaa qopheessanii, rakkinas facaasan isuma in haammatu*;

⁹warri akkasii hafuura isa Waaqayyo isaanitti baafatuun in badu, qilleensa dheekkamsa isaatiinis in dhumu.

¹⁰Leenci in aada, leenci sodaachisaan in gururi'a; haa ta'u iyyuu malee, ilkaan leenca saafelaa in caccaba;

¹¹leenci wanta adamsee nyaatu dhabee in du'a, ilmaan leenca dhalaas in faffaca'u.[12]

¹²?Dubbiin tokko dhoksaatti gurra keessa na bu'e, gurri koos hasaasa sana in dhaga'e;

¹³halkan yeroo hirribni ulfaataan nama qabutti, abjuu halkanii isa nama yaadessu keessa,

¹⁴naasuun na qabate, raafamnis lafee koo hundumaa in sochoose;

¹⁵hafuurri karaa gurraa na yaa'e, dhagni koos na suuka'e*.

¹⁶Inni amma iyyuu in dhaabata, ani garuu wanta inni fakkaatu, gargar baafachuu hin dandeenye; bifni tokko ija koo dura ture; homtuu hin dubbatu ture, booddee immoo sagalee tokko nan dhaga'e;

¹⁷?Waaqayyo caalaa namni qajeelaa ta'uu danda'aa ree? Namni isa isa uume caalaa qullaa'aa ta'uu danda'aa ree*?

¹⁸Kunoo, inni hojjetoota isaa hin amanatu, ergamoota isaas balleessaa isaanii irratti in gaafata erga ta'ee*,

¹⁹yoos warri manneen suphee irraa hojjetamanii, hundeen isaanii biyyoo keessa jiru keessa taa'an, warri bilii caalaa salphaatti caccaban hammam caalaa haa ta'an ree?

²⁰Isaan barii ganamaatii hamma galgalaatti caccabanii in hurraa'u, utuu namni itti hin yaadin raawwatanii in badu*.

²¹Isaan ogummaa malee akka du'anitti, funyoon godoowwan isaanii luqqifameera mitii ree??[13]