Macaafa Iyoob 7:1-21 GAZB1997 - Bible AI

¹?Namni dadhabbiidhaan lafa irra jiraata, barri isaas akka bara nama qacaramee hojjetuu ti mitii ree*?

²Akka hojjetaa isa gaaddisa galgalaa eeggatuu, akka nama qacaramee miindaa isaa abdatuu*,

³akkasuma ji'oota gatii hin qabne nan dhaale, halkan gadadamoonis anaaf in kennaman;

⁴yommuun ciisu, ?Yooman ka'a?? nan jedha, halkan anatti dheerate, hamma bari'utti asii fi achi garan gaggala;

⁵gogaan koo babbaqaqee na dhiiga; raammoonii fi xof-xofiin foon kootti uffisan;

⁶barri koo kolloo wayya-dhooftuu caalaa ariifata, abdii malees in dhuma*.[20]

⁷?Yaa Waaqayyo, jireenyi koo akka qilleensa shuf jedhuu akka ta'e yaadadhu, iji koo deebi'ee wanta gaarii hin argu*;

⁸iji namaa inni amma ana argu, deebi'ee ana hin argu; iji kee na barbaada, ani garuu si'achi hin argamu.

⁹Akkuma duumessi irraa jalaan tamsa'ee badu, akkasuma namni du'ee awwaalamu ol hin deebi'u;

¹⁰si'achi gara mana isaatti hin deebi'u, naannoon isaas deebi'ee isa hin baru*.[21]

¹¹?Ani garuu afaan koo hin qabadhu; sababii hafuurri koo dhiphatuuf nan dubbadha, sababii jireenyi keessa ba'ee anatti hadhaa'uufis nan himadha*.

¹²Ani galaana immoo yookiis jawwee galaanaatii iyyuu, ati ittisa anatti goote?

¹³?Sireen koo na jajjabeessa, iddoon ciisicha koos gadda koo anaaf salphisa? yommuun jedhu,

¹⁴ati immoo abjuudhaan na sodaachifta, mul'ataanis na naasifta;

¹⁵dhiphina ani itti jiru kana irra, hudhamee du'uu nan fo'adha;

¹⁶jireenya koo nan jibbe, ani bara baraan as hin jiraadhu; barri jireenya koo akkuma qilleensa shuf jedhuu ti'o, kottu, na dhiisi*![22]

¹⁷?Ati guddaatti akka isa ilaaltuuf, yaada kees akka isa irra keessuuf, namni maali*?

¹⁸Ati ganama ganama isa in ilaalta, yeroo hundaas isa in qorta.

¹⁹Hamma yoomiitti ija ana irraa hin buqqifattu? Hamma liphsuu ijaaf illee na hin dhiiftuu*?

²⁰Ani yoon yakke iyyuu, maalan si godhe, yaa eegduu namaa? Waan itti akeekkatte maaliif na godhatte? Maaliifan ba'aa sitti ta'e[23]?

²¹Ati irra-daddarbaa koo maaliif naa hin dhiiftu? Yakka koo maaliif na irraa hin fuutuu? Ani amma awwaalamee biyyoo keessa nan ciisa; ati na barbaadda, ani garuu deebi'ee hin argamu? jedhe*.[24]