Macaafa Miikiyaas Raajichaa 2:1-13 GAZB1997 - Bible AI

¹Warra siree isaanii irra ciisanii akeeka jal'inaa baasanii hamaa qopheessaniif wayyoo! Kana gochuudhaaf humni harka isaanii keessa waan jiruuf, yommuu lafti bari'u isaan kana hojii irra in oolchu*.

²Isaan lafa namaa isa kajeelan humnaan in qabatu; mana namaa isa barbaadanis in fudhatu; nama tokko mana isaa wajjin, isa kaanis dhaala isaa wajjin in cunqursu.[7]

³Kanaafis Waaqayyo in dubbata, ?Ani dhaloota kana irratti wanta hamaa nan yaada; yeroo hamaan ta'uuf waan jiruuf, isin morma keessan isa jalaa baafachuu hin dandeessan; mataa irra-keessa qabattaniis hin adeemtan.

⁴Gaafas weedduu yaada gad fagoo of keessaa qabu isinitti in weeddisu, boo'icha hadhaa'aadhaanis in boo'u, ?Nuyi raawwannee diigamneerra, Waaqayyo ga'aa saba keenyaa in geddara; attamitti nu harkaa baasa laata! Inni lafa keenya warra isa gananiif in hira? in jedhu.

⁵Kanaafis wal ga'ii gooftichaa keessatti, nama muka buusuudhaan lafa isiniif hiru tokko illee hin argattan? in jedha.

⁶Isaan, ?Hin lallabinaa! Wanti akkasii waan lallabamu miti! Salphinnis nu irra hin ga'u*!

⁷Yaa mana Yaaqoob, wanti akkasii in jedhamaa ree? Hafuurri Waaqayyoo obsa dhabee ree? Hojiin isaas kan akkasiitii ree? Isa gara-qajeelinaan deddeebi'uuf immoo dubbiin isaa waan gaarii hin godhuufii ree?? jedhanii in lallabu.[8]

⁸Waaqayyo immoo, ?Isin garuu akka diinaatti saba koo irratti in kaatan, warra duulaa deebi'anii ?Nagaa dha? jedhanii amanatanii achiin darban irraas wayyaa isaanii isa irra-keessatti uffatan irraa in baafattan*.

⁹Dubartoota saba koo mana isaanii isa isaanitti tolu keessaa gad ooftan; simboo ani ijoollee isaaniif kennes bara baraan irraa fudhattan*.

¹⁰Xuraa'ummaan waan isa balleessuuf, badiisi gaddisiisaanis waan isa mancaasuuf, iddoon kun lafa itti boqotan miti; ka'aa asii adeemaa!? jedhe.

¹¹Namni tokko dhufee qilleensa keessaa fuudhee soba yoo dhageessise, ?Ani waa'ee daadhii waynii fi waa'ee dhugaatii jabaa isinitti nan lallaba? yoo jedhes, saba kanaaf isatu lallabaa dha*.[9]

¹²Waaqayyo, ?Ani dhuguma hunduma keessan walitti nan sassaaba, yaa sanyii Yaaqoob! Saba Israa'el keessaas warra hafan walitti nan qaba; akka hoolotaa karra tokko keessaa walii wajjin isaan nan teessisa, akka karra dheedicha irra jiruus tuuti namootaa in huursu? jedhe*.

¹³Inni cabsee karaa banu isaan dura in ba'a; isaan cabsanii balbala kellichaa keessa darbanii jalaa in ba'u; mootiin isaanii darbee isaan dura in adeema, Waaqayyo isaan dura in bu'a*.[10]