Macaafa Moototaa Isa Lammaffaa 19:1-37 GAZB1997 - Bible AI

¹Hisqiyaas mootichi kana yommuu dhaga'e, uffata isaa tarsaasee uffata gaddaa uffatee mana qulqullummaatti ol gale.

²Achumaanis Eliyaaqiim isa bulchaa mana mootummaa, Shebnaa isa caaftuu mana mootummaa fi luboota keessaa warra jaarsoliitti uffata gaddaa uffisee gara Isaayaas raajichaa ilma Amositti isaan in erge.

³Isaanis Isaayaasiin, ?Hisqiyaas mootichi, barri kun bara rakkinaa, bara adabaa fi bara salphinaa ti; akka yeroo dubartiin da'uuf jette humna ittiin ciniinsifattee deessu dhabduu ti.

⁴Waaqayyo gooftaan kee dubbii Rabshaaqeen angafni loltuu isa gooftaan isaa mootiin Asor isa ergee, Waaqayyo isa jiraataatti akka inni ga'isu godhu kana dhaga'eera; kanaaf ati immoo, ?Harka kee ol kaasii warra hafaniif kadhadhu!? jedha? jedhan*.

⁵Garboonni Hisqiyaas mootichaas gara Isaayaas dhaqanii dubbii kana yommuu isatti himan,

⁶inni immoo deebisee, ?Gooftaa keessanitti, ?Dubbii anatti ga'isuu garboota mootii Asor isa dhageesse kana hin sodaatin!

⁷Kunoo! Ani:- Hafuura akka inni oduu dhaga'ee gara biyya isaatti deebi'u godhu isaaf nan kenna; achittis billaadhaan isa nan ajjeesisa jedheera Waaqayyo? jedhaatii himaa!? jedhe.

⁸Mootiin Asor Laakiishii akka ka'e Rabshaaqeen angafni loltootaa dhaga'ee deebi'ee yommuu dhufe, utuu mootichi mandara Liibnaa rukutuutti jiruu in arge;

⁹Tiirhaaqaan mootiin Itiyoophiyaa isa loluudhaaf dhufaa akka jiru Senaaheriib yommuu dhaga'e, Hisqiyaas mootii Yihudaatti namoota ergee,

¹⁰?Waaqayyo kee inni ati amanattu sun, ?Yerusaalem harka mootii Asoritti dabarfamtee hin kennamtu!? jedhee si hin gowwoomsin*!

¹¹Kunoo! Ati wanta mootonni Asor biyyoota hundumaa godhan, akka isaan raawwatanii isaan balleessanis dhageesseetta; ati immoo waan ooltu sitti fakkaataa?

¹²Waaqayyoliin saba lafa irraa warri abbootii kootiin balleeffaman, waaqayyoliin mandaroota Gozaan, Kaaraanii fi Rezeef, waaqayyoliin saba Eden warri Tel-Asaar keessa jiraatan mandaroota isaanii oolchaniiruu ree*?

¹³Mootiin Haamaat, mootiin Arphaad, mootiin mandaroota Sefarwaayim, kan Henaa fi kan Iiwaa meerre ree?? jedhe.

¹⁴Hisqiyaas caaffata sana warra ergaman harkaa erga fuudhee dubbisee booddee, gara mana qulqullummaa dhaqee, caaffaticha banee Waaqayyo duratti in diriirse.

¹⁵Waaqayyoon kadhachuu jalqabee, ?Yaa Waaqayyo, goofticha isa kan Israa'el, yaa isa Kiruubel gara irraa jiraattuu, ati waaqaa fi lafa uumteetta, mootota lafa irraa hundumaa irrattis si'uma duwwaatu Waaqayyoo dha*.

¹⁶Yaa Waaqayyo, gurra kee gara keenyatti qabii dhaggeeffadhu! Ija keetiinis ilaali! Dubbii Senaaheriib isa inni si Waaqayyo isa jiraataatti ga'isuudhaaf erge kanas dhaga'i!

¹⁷Yaa Waaqayyo, mootonni Asor saba kanaa fi biyyoota isaanii hundumaa dhuguma balleessaniiru;

¹⁸waaqayyolii isaaniis ibidda keessa buusaniiru; waaqayyoliin isaanii kun harka namaatiin dhagaadhaa fi muka irraa hojjetaman malee, isaan Waaqayyo waan hin ta'iniif, namni isaan balleessuu danda'e.

¹⁹Ammas yaa Waaqayyo, mootummoonni lafa irraa hundinuu Waaqayyo gooftaan si duwwaa akka ta'e akka beekanitti, harka isaanii jala galuu ati akka nu oolchitu si kadhanna? jedhe.

²⁰Ergasii Isaayaas ilmi Amos gara Hisqiyaasitti dhaamsa ergee, ?Waaqayyo gooftaan Israa'el isa ati waa'ee Senaaheriib mootii Asoriif kadhatte dhaga'eera;

²¹waa'ee isaatiif kan inni jedhe kanatti fufee jira;

²¹?Yaa Senaaheriib, durbi Xiyoon si tuffattee sitti in ga'ifti, durbi Yerusaalemis si duubaan mataa sitti in raafti;

²²ati eenyuun arrabsite, eenyuttis ga'ifte? Eenyu irratti sagalee kee ol fudhatte, eenyuttis achii ol ija baafte? Isa qulqulluu kan Israa'el irratti kaate mitii ree?? jedha.

²³Ati namoota kee yommuu ergite, Waaqayyotti ga'iftee, ?Konkolaataa koo isa baay'eedhaan, gara fiixee tullootaatti ol nan ba'a, bantii tulloota Liibaanon irras nan ga'a; gaatirraa isaa warra dhedheeroos nan jijjigsa, birbirsa isaa warra gaggaariis kukkutee nan balleessa; iddoo dhokataa isa ol ka'aa, caakkaa isaa isa gobbuu biras nan ga'a.

²⁴Biyya ormaa keessaa boolla qotee bishaan nan baafadha, bishaanichas nan dhuga; miilla kootiin lagoota Gibxii hundumaa keessa adeemee nan gogsa? in jette*.

²⁵?Isa amma ta'e kana akkan qopheesse, duraan durses akeeka isaa akkan baase, mandaroota kellaa dhagaa qaban akka ati caccabsitu, tuullaa kosiis akka ati isaan gootu, akka ani godhe ati hin dhageenyee?

²⁶Warri mandaroota sana keessa jiraatan humna in dhaban, in yeella'an, in na'anis; akka dhaabaa iddoo bishaan hin jirre keessa jiruu fi akka marga mana irratti biqile, akka midhaan utuu hin guddatin qilleensa ba'a-biiftuu isa gubaadhaan gubatu in ta'an.

²⁷?Yommuu kaatuu fi yommuu teessu, yommuu gad baatuu fi yommuu ol galtu, aariidhaan ana irratti dubbachuu kee ani beekeera.

²⁸Ati aariidhaan ana irratti waan kaateef, sagaleen of jajuu keetii gurra kootti waan baay'ateef, ani xiixaa sin ursiisa, luugamas afaan kee keessa nan keessisa, karaa irra dhufte irras sin deebisa? jedhe.

²⁹Isaayaas yommus Hisqiyaas mootichaan, ?Milikkinni siif kennamu kanatti fufee jira; waggaa kana midhaan ofumaan biqilee guddatu in nyaatta; waggaa dhufuttis akkasuma midhaan ofiin biqilu in nyaatta; waggaa sadaffaatti garuu qotii makaradhu, muka wayniis dhaabii ija isaa nyaadhu!

³⁰Ammas sanyii Yihudaa keessaa warri hoofkalanii hafan, hidda yaafatanii wal in horu;

³¹yommus warra Yerusaalem keessaa kan hafan, warra tuulluu Xiyoon irra jiran keessaas kan baqatan in dhufu; hinaaffaan Waaqayyo gooftaa maccaa kana in godha.

³²Kanaaf Waaqayyo waa'ee mootii Asoriif, ?Inni si'achi gara mandara kanaa dhufee, xiyya gad itti hin dhiisu, gaachanas fudhatee dhufee koobii kellaa isheetti hin ijaarratu;

³³karaa dhufe irra deebi'a malee, mandara kanatti hin lixu? jedhe; Waaqayyo kana dubbateera.

³⁴Waa'ee mandarattiif immoo, ?Ani ofii kootiif, garbicha koo Daawitiifis jedhee, mandara kana nan eega, nan oolchas? jedheera? jedhe*.

³⁵Halkanuma gaafasii ergamaan Waaqayyoo ba'ee, buufata loltuu warra Asor keessaa namoota kumaatama dhibba tokkoo fi kuma saddeettamii shan in ajjeese; namoonni ganama ka'anii yommuu ilaalan, kunoo, reeffa hunduma isaanii in argan.

³⁶Yommus Senaaheriib mootiin Asor achii ka'ee gara biyya isaatti deebi'ee mandara Nanawwee keessa in taa'e.

³⁷Gaaf tokko inni mana ?Nisroo? waaqayyolii tolfamoo isaa keessa lixee utuu sagaduu, ilmaan isaa Adraamelekii fi Shaarezer billaadhaan rukutanii isa ajjeesanii, gara biyya Araaraatitti in baqatan; ilmi isaa inni ?Esaar-Hadon? jedhamu immoo iddoo abbaa isaatii mootii in ta'e*.